Bawinu Maria ih thinlung nat nak puai( September-15)

Bawinu Maria ih thinlung nat nak puai( September-15)

Nunau thianghlim Bawinu Maria cu a Fapa Jesuh ih harsat a tuar nak ah a Fapa thawn an rak tuar ih a mai thlarau lam ah a tuar ringring tu pakhat a si kha khih hmuh dingah hi Bawinu Maria ih riahsiat nak thuthuk pasarih a um kha a hmuh a si. Cu pawl cu-

  1. Biakinn ah Simeon ih a rak phuan cia nak
  2. Egypt ram ih tlan relh nak
  3. Naute Jesuh Biakinn sungih a hloh nak
  4. Fapa Jesuh Thinglamtah phur in Calvary tlang par a kai nak
  5. Fapa Jesuh Thinglamtah par ih a thih nak
  6. Bawi Jesuh ih ruak an lak ih Bawinu Maria in a taang ih a cawi nak
  7. Bawi Jesuh ih ruak an vui nak pawl an si.

Bawinu Maria ih thinlung kuai puai cu kum 1668 ah Bawinu Maria ih riantuantu pawl tiin pawllkom pakhat an rak tuah ih cu mi ihsin Pope Pius a pahra san kum 1814 ah leilung pumpuluk ah an rak tuah.

Bawinu Maria ih thinlung kuai puai cu Bawi Jesuh in Thinglamtah a neh nak puai ih a thaisun September 15 ni ah an tuah nak cu Fapa Jesuh ih harsat a tuar nak ah Bawinu Maria tla a Fapa Jesuh thawn bangrep in a tuar thu a rak sim.

Hi riahsiat nak thuthuk pasarih thawn a kaih aw bik mi thuthuk cu Bawinu sunlawih nak ah Zarhte ni cu Bawinu ih ni sunglawi ah an nemhnget nak a si.

Add new comment

3 + 7 =