Cascia ih mithianghlim Rita (May-21)

Cascia ih mithianghlim Rita (May-21)

          Mithianghlim Rita cu 1381 ah a rak suak ih a nu le pa ih duat zet mikhal a si. Kum 12 a kim ah Convent tlawng a lut tum nan innsang nei dingin a nu le pa in an rak fial. A pasal ding an hril sak ih a pasal cu thintawi zet le mi nunnem mi a rak si lo. A pasal cu kum 18 a rak um pi ih a pasal hrang thla a cam sak nak in a pasal cu a thinlung a rak thleng.

        A pasal le a fate pahnih in an thih san. A mah cu Cascia ih St. Augustine Sister tlawngah lut dingin zaangfah a rak dil nan an rak cohlang lo. Asinan, kum reipi  zaangfah a dil tik ah an lung kim pi sal. Rita cu duhdawt nak hnatuan le thinglamtah hmai ih thlacam nak lam ah a rak zuam zet tu a si.

      Veikhat cu a thlacam nak ah Bawipa na hma tuar mipakhat in in zem ve aw a ti ih thinglamtah parih hling tawite pakhat cu a cal parah a rung tla ih cui hma cu a thih tiang dam thei loin a rung um ta. Rita cu Jesuh Khrih a duhdawt nak a lang ter duh nak ah a tuar mi hma parah a lung a rak awi zet.

A hma cu a nat besiat lai ah rim sia zet in a um ih a thih zawng ah acun cu I a cal ih Jesuh Khrih hlinglukhuh ihsin a ngah mi hma ih sin rimhmui zet mi a suak a si. St. Rita cu May-22, 1457 kum ah  a thi.St. Rita hnenah thlacam kan thiam thei nak dingah le a mah duh thiam nak in zirh aw tin zaangfah bom nak kan dil tlang pei.

https://www.youtube.com/watch?v=gBr8MB33U9g

Add new comment

16 + 4 =