Cathianghlim ngan tu mithianghlim Mark (April 25, 2024)

Cathianghlim ngan tu mithianghlim Mark (April 25, 2024)

            A pahnih nak cathianghlim ngantu mithianghlim Marku cu Maria in Fapa Barnabas ih sungkhat asi. A mah cu St.Peter ruangih Christian ih rak lut tu asi. Jerusalem khuapi ih um a inn ah Christian pawl hrem an rak tuar caan ih an tonkhawm awk nak hmun asi.

            Pathian hnatuan nak ih a hmaisabik a khualtlawnnak ah Marku cu Paul le Barnabas a rak thlun ih Asia Minor ih Piraki khupi ah lam dangah a pial. Kum arei zo nan Paul in cui thuhla ah Marku par ah a lung a kim thei lo. Curuangah leilungpumpi a voihnih nak ral a thawh lai ah Marku hruai dingah a lung a kim lo. An mah cu pakhat le pakhat an rem awk lo ih a dang ten an feh ih Barnabas in Marku cu a ko ih Kuparuh tikulh ah a thlah.

            Cui hnu ah Marku cu ka fapa tiiih a ko tu Peter ih rualpi in a thlun ih Rome ih thawngtla ih kaih a tuar tu Paul thawn rem awk nak an nei.

            Hlan ih daan pawl ah Marku in a cathianghlim cu Pome ah a rak ngan ti kan thei thei asi. A cathianghlim cu Peter ih zirh mi par ih a ngan mi asi. Cathanghlim a ngan theh hnu ah Egypt ram Alexandria khuapi ah a feh ih Pathan thuthangtha sim in Pawlpi a rak din. Cui hnu ah Bawi Jesuh a zum nak ruangah kaih a tuar ih lungto par ah hridai thawn an dir ih hrem nak pawl a rak tuar. Cu hnu ah thawng inn ih a um lai ah Bawi Jesuh ih lang nak a hmuh nak in hnem nak a rak ngah.

            Bawi Jesuh in Marku cu a vancung ram nuam ah a hruai asi. Kum 900 ah mithianhlim Marku ih ruak cu Alexandria khuapi ah an keng ih a mai hmin ih thluasuah an pek nak sui ti mi Biak inn ah an rak ret asi.