Congregation pakhat ah unau thum in Sister cannak ngah. (April 08, 2022)

Congregation pakhat ah unau thum in Sister cannak ngah.

(April 08, 2022)

         A tha mi ruahnak Bawinui congregation ah Sr. Mariana, Sr. Raziane le St. Isabela tei unau pawl cu Catholic Sr ah an rak cang. Tui ni ah Sr. Mariana (kum 50) le Sr. Isabela (kum 35) pawl cu Brazil ram Rio de Janeiro ih, Marica ih um mi Sr. tlawngah rian an tuan tlang rero. “kawhnak cu sim a si le nui nunnak, nunkhuasak daan ruangah tiah sim a theih. A mah cu thla a cam ringring. Rosary a cam theu. A mah zoh men in thin a nuam” tiah Sr. Mariana in a sim. “A thok lam ahcun Sr. can ding ka ruat ban lo. Ka u Sr. ih buaih a laknak caanserh ah tel phah in an hnen ka len phah ah um duhnak thinlung a seem. Biakinn kiang ka feh tikah thindaihnak ka tep” tiah Sr. Isabela in a mai kawhnak thawn pehpar in a sim.

         “Nu le pa pawl ruahnak ka pek duh mi cu a tha mi Christian innsang si dingin tuah uh. Kaa ih sim men hnak in tuahnak in hna a tuan sawn. Kan nih cu kan nu le pa pawl thla an cam rero lai, Missa an kai lai kan hmu ringring. Cu mi pawl cu nunram pumpuluk ah a tel ringring” tiin Sr. Mariana in a sim. Sr. Mariana cu congregation ih thuronnak pawlkom lamah rian a tuan rero ih Sr. Isabela cu kum upa mi Sr. pawl rian in a kilkhawi rero tiah theih a si. Sr. Roziane (kum 35) cu Minas Gerais ramthen ih um Bela Horizonte ah rian a tuan.

         Hi thuthang cu CNA thuthang ih kan ngah mi a si.

https://bit.ly/3ushkDc