Dungthluntu Mithianghlim John (December 27)

Dungthluntu Mithianghlim John 

December-27

          Dungthluntu Mithianghlim dungthluntu John cu Bawi Jesuh ih a duhdawt zet mi cathianghlim a ngan tu  a si ih a mah cu Zebedee ih fa a si ih mithianghlim James ih nau a si. Cun a mah cu John the Evangelist tin tla an ko.

          Galilee tilikap ah Jeim le John teih unau cu an pa thawn an long sungah an um ih an sur pawl an kholh rero kha Jesuh in a hmutikah a vun ko hai. An  nih khal in hmakhatte ah an long le an pa tanta in Jesuh cu an thlun tiah” Mt 4:22 sungahkanhmuthei. Jesuh in “Boanerges” tin hmin a pek hai.

          A ti duh san cu khuari ih fa ti nak a si. John 13:27 khal ah John cu dungthluntu pawl lak ih nau ta bik a si ih a mah le mah “Jesuh duh mi dungthluntu” tiah a ngan aw.

          Mithianghlim John cu Bawi Jesuh a hmuihmel a thleng ah a rak um ve ih netabik zaan riah ei puai khal ah Bawi Jesuh ih tangah zau in a zuar tu cu zo a si ti khal a rak sut.

          Bawi Jesuh thinglamtah par ih an thahlaikhal ah dungthluntu lak in a mah lawng in thinglamtah hnuai ah a rak um ih a sunglawi bik mi a hnatuan a si mi Pathian ih Nu kilkhawi tu ding ah Bawi Jesuh ih tuanvo pek mi khal a si.

           Thuanthu vek si le Bawinu Maria Vancung ih hruai nak a ngah thu khal a rak phuang ih AD 49 ah Ephesus khuapi ah a rak um. Cui sin John in Thuphuan a rak ngan ih Patmos tikulh ah dawi a rak tuar. Cui tikulh ih kum rei lo te a um hnu ah Ephesus khuapi ah a kirsal ih “Pathianthuthawnpehpar mi pathum a rak ngan.

            “Pathian cu duhdawtnak a si” tiah1 John 4:7 sungahkanhmuthei.A ngan mi lakih a thabik mi biaknak lam thuhla pawl le mangbangza thuthang khal Ephesus ah a rak ngan a si.

            A kumupa vivo tikah a tuuruun pawl kha John in “Ka duhdawt mi pawl, pakhat le pakhatduhdaw aw uh” ti mi tongkam tu le tu a rak sim. An nih khal in “ziangruangah saw cui catlang lawnglawng tu le tu in sim” tiah an suh tikah John in, “hi mi cu Pathian ih tongkam a si ruangah a si, nan nihkhal cui tongkam nan thlun a si le nan hrangah a tawk” tiah a rak ti.

          Dunthluntu John cu AD kum1o1 ah Ephesus khuapi ah a nun nak a rak cem. Dungthluntu John hi dunthluntu pawl lak ah Bawi Jesuh ih a duhdawtbik mi tin kan theih vek in, pakhat le pakhat duhdawt ding a tul zia khal in zirh ih kan kiang kap minung pawl kan duhdawt ngai ngai thei nak dingah le Bawipa Jesuh ih duh mi kan si hleice thei nak dingah a hnen ah thazaang la in zaangfah bom nak dil tlang uh si.