Hnatuantu pawl kilkhawitu Mithianghlim Joseph Puai (May 1)

Hnatuantu pawl kilkhawitu Mithianghlim Joseph puai (May 1)

            Hnatuan tu pawl kilkhawitu mithianghlim Joseph cu innsaktu in a pum a rak cawm aw. A mah cu Nazareth khua fate ah a mah cu Lettama (kutthiam) tuan phah in Maria thawn an zirh mi Bawi Jesuh thawn an rak um khat. A mai nun can ziaza ruangah Bawi Jesuh ih nitin a hnatuan nakih upattlak a si nak le a zaangzelnak pawl lakin ralring ten rak nungtu a si. Cathianghlim khal in zaangzelnak ti mi thawn peh par in, “hnatuan caan ah caan cem lak ter lo dingin hnatuan pek aw,” tiah နီတိေဒသနာကျမ်း (Ecclesiticus) 38:28 ah a um.

          Mithianghlim Paul in, “Tuan lo tu cun ei hlah seh” tiah a rak ti a si. Minung pakhat cair ah a sungkua le a mah leh a mah zohkhen awk dingah le a kumkhua Pathian ih sersiam nak ih tuantlang dingah hnatuan a tul. Thlawsuah nak le thianhlimnak ih a hramthok si dingah mithianghlim Benedict ih motto ah “thlacam phah in rawl ei” a ti vek in kan hnatuannak pawl cu Pathian hnen ih kan ap a tul a si.

           A hlei hnih nak Pope Pius in kum 1955 kum ah, “Hnatuantu mithianghlim Joseph ih Puai ni” cu “Labor Day” ti mi “အလုပ်သမားေန”့ hnatuantu pawl upatnak pek nak ni thawn bangawk dingin a rak tuah. Hnatuantu pawl upatnak pek nak ni အလုပ်သမားေန့ cu kum 1889 ah hnatuantu pawl ih an caantha pawl hngilhlonak ah an rak tuah mi a si.

            Tuisun ih kan hman mi Mary ih innsaangpa, Jesuh Khrih a kilkhawitu leipar a Pa ih hnatuan zuam ni sunglawi ah hin kan nih zate khal kan tuan mi kan hnatuan cio ah huamnak thinlung, teimaaknak thinlung le kan tuan mi hna parah rin um le fel ten a tuah theitu kan si thei nak dingah St. Joseph ih lam in rak zirh bangin, mai hnatuan cairah teimaaknak nun neih tum tlang uh si. Kan hnatuan mi hi sunlawih le duh cio thei nak thinlung kan neih cio thei nak dingah Pathian hnenah zaangfah nak dil tlang uh si.