India Catholic Sister cu Mithianghlim si dingah upat tlak (venerable) tiin than (August 10, 2022)

India Catholic Sister cu Mithianghlim si dingah upat tlak (venerable) tiin than

(August 10, 2022)

            August 5 ah Pope Francis in India Sister cu Mithianghlim si dingah upat tlak (venerable) tiin a than ih cumicu Mithianghlim tiin khaisannak ih a pahnihnak dinhmun a si. Ursuline ih Mary Immaculate congregation sungtel pakhat a simi Sr.Maria Celina Kannanaikal cu Sister cangtu ding pawl umnak hmun (novitiate) ah mangbangza hmuhton mi a neih theu ruangah hmuh suam a tuar theu.

            Sister cangtu ding pawl umnak hmun Novitiate  ih tuanvo nei tu Sister in thianhlimnak (holiness) a nei a si tiin a hmu. A hmaisabik Sister tuan dingih thukam a lak (profession) ni cu 1957 June 20 ah a la ih cuihnu thlaruk ah novitiate ah um dingah an fial bet. Cui a hmaisabik thukamnak a tuah theh hnu rei lo te ah a naa, asinan a nat nak an hmu suak theilo, cutiin 1957 ah a thi. Ni 35 a tuan hnu ah thlanglam India khuapi Cannanore (atuih Kannor) ah rian a tuan.

            Sr. Kannanaikal cu Kerala ih Trichor Diocese ah 1931 February 13 ah a suak. Hramthok tlawng hmun hnih ih ca a zirh hnu 1954 June 24 ah Sister kaing ah a lut ih cuihnu 1954, December 26 ah novitiate ah a thleng.  An mai Congregation  sungih an simnak vekin  tuanvo neitu Sister  pawl parah a pumhlum in a ap. Hmaisabik thukamnak a ngah ni ah a hnen ah Bawi Jesuh a langih a hnenah Pathian in a mah thawn rei lo teah van ih a hruai ding thu a sim. 1957, July 26 ah Cannanore  ti mi thlan hmun khatah an phum.

            A bawm nak le a thlacam sak nakin bomnak tampi ngah a si. 2007, July 29 ah beatification tiin khaisan a si. 2012 February 29 ah a ruang an phorh sal ih, kannur tikap, Payyambalam ih an tlawng ih thlacam nak ah a thar in an phum. Himi thuthang cu RVA thuthang ihsin kan don mi a si.

            https://bit.ly/3do4yQc