India ih a hmaisabik layman (Kohhran mipi menmen) Kohhran mi pakhat May 15 ah Mithianghlim a si thlang ding. November 10, 2021

India ih a hmaisabik layman (Kohhran mipi menmen) Kohhran mi pakhat May 15 ah Mithianghlim a si thlang ding.

November 10, 2021

              2022 May 15 St. Peter tualrawnih tuah ding mi Mithianghlim khaisannak Missa raithawinakah Pope Francis cu Devasahayam Pillai timi le a dang 6 pawl pawl thawn Mithianghlim ah khaisan an si ding. Cui program cu Vatican, Mithianghlim khaisan nak thawn pehpar mi Pope zung in November 9 ah an than. Blessed Devasahayam Pillai cu kum zabi 18 ah Travancore ramthen ah supnak, le ulhnak tampi thawn a zumnak langter tu a si thu, covid dinhmun ruangah a ni khiah a si hrih lo nan kan dung May 3 ah Pope Francis in Mithianghlim khaisan nak a nemhnget.

           1712 kum April 23 ih rak suak asiih Lazaru hmin a lak vekin an mai cin le daan hmin tiin Devasahayam tiink kawh asiih cumi hmin cu Pathian cu kanmah in bawm tu asi tiin san a neih thu, a zumnak ruangah kum 3 thawng a tla ih nasa tak ih hmuhsuamih hremnak pawl a tuar thu, netabik ah mi zohman um lo nakah an hruai ih 1752 January 14 ah kah that a tuar tiin an sim. Aralai dingmi 2022 May 15 ahcun Devasahayam cu India ihsin a hmaisabik layman (Kohhran mipi menmen) Mithianghlim tiin khaisan a si ding. Himi thuthang cu RVA thuthang ihsin kan don mi a si.

https://bit.ly/3H8eSGw