Jerusalem khua ih Mithianghlim Cyril (315-386) March-18

Jerusalem khua ih Mithianghlim Cyril

(315-386) March-18

          Jerusalem khuapi ih Bishop pakhat a si mi Mithianghlim Cyril cu kum 315 ah Jerusalem khuapi ah a rak suak. Cathianghlim thawn pehpar mi fimthiamnak le hminthang zet mi fimthiamnak pawl a zir theh hnu ah Bishop Maximus in Puithiam cannak a rak pek.

          Kum 350 ah cui Bishop ih ai a rak awh. Cui hnu rei lo te ah Mithianghlim Cyril cu a mah veithum tiang rori ram in a rak dawi tu Arians pawl thawn Pathian thu elawknak ah a rak tel. Cui Arians pawl in mifarah pawl bawmnak ding hrangah Pawlpi ih a thianghlim zet mi kawrfual a rak zuar tiin khal an rak puh. Mithianghlim Cyril in cui kawrfual pawl a rak zuar cu a hman ko nain Pa Pathian ih duh nak vek in a rak tuah mi a si.

          Constantinople thurelkhawmnak in kum 381 ah Pawlpi in zumnak pawl a rak suah lai ah Mithianghlim Cyril in Catholic zumnak ih a sang mi tiih upat sunloih nak a rak co. Mithianghlim Cyril ih netabik a ro cu (The Catechize) ti mi man a nei zet mi ca uk a si. Cui ca uk cu Baptism lak dingih timtuah cia nak ah a thupi zet mi ca uk pakhat a si.

          Bible Catlang pawl pakhat le pakhat pehtlaih in a rak ngan mi ca khal a si. Minung zaten mopuai ih sawm mi an si. Ziangah tile Bawi Jesuh cu a tirh a siang ih milai zaten duhdawttu a si. Mi burpi an tonkhawmawk tikah mopuai ah zo a lut ding ti cu mopa in lai a rel ding.

          Hi mi in Baptism lak nak a khaisannak a si tiin a rak ngan. Mithianghlim Cyril cu kum 386 ah a nunnak a rak cem. Catholic Pawlpi ih zumnak rintlak zet ih a rak humhim ruangah Mithianghlim Cyril cu Pawlpi ih upat sunloih zet mi ah an rak nemhnget.