Lima khuaih Mithianghlim Rose (August 23)

Lima khua ih Mithianghlim Rose (August 23)

Mithianghlim Rose cu thlanglam Africa ih a hmaisa bik mithianghlim ih hril mi a si. Amah cu kum 1586 ah Peru ram Lima khuapi ah a rak suak.Asen zet mi a biang pawl ruangah a nu in Rose pangpar tiah a rak ko. Athianghlim mi fala si dingih thukamnak a tuah hnuah a nulepa ih an fial mi innsang nei dingah khal a rak a si. Amah a duhzet tu pawl a mai hnen in tlan dingah a mawizet mi a biang le a kutzung pawl cu hnakphek in a rak rawt theu. Rose cu kum 20 a ti ah mithianghlim Dominic ih a pathumnak tlawngah a rak lut. An hmuanih um thlam fate pakhatah supnak a rak tuah theu. Arak tuar mi hnaihnoknak pawl tla cu a zumnak le a thinsaunak thawn a rak tuar.

Nikhat ah Bawipa in zonzaihrethei tuarhnu lawngah thlasuahnak cu a ra, curuangah thinglamtah tel lo cun vancungram kainak ding lamzin an hmu lo ding tiah a rak sim. Cui ttongin lamzin lailakah hruai in thlarau thazaang pakhat cu minung pawl rak ngai hnik uh law harsat tuar lo in thlasuah kan ngah thei lo tiah ringpin a rak au. Athih zik ni reilo te ah Bawipa ka harsat tuar mi pawl hi runtam ter sinsin hram aw. Cui harsatnak in na duhdawtnak cu ka thinlung sungah runkhat ter hram aw tiah a rak ti. 1617 kum a kum 31 ah anunnak a rak cem ih thlanglam Africa kilkhawitu ti ih an run than mi a si. Mithianghlim Rose hmin a latu nan zaten happy feastday tiah cibai kan lo buk a si. Amai zuk cu Lima khua ih Mithianghlim Dominic convent tlawng sunglam ah a rualpi a si mi St. Martin de Porees le St. John Masias ih zuk kiangah an ret lai a si.