Mifim pathum Puai theh Zarhpi ni Bawi Jesuh Baptism a lak nak Puai

Mifim pathum Puai theh Zarhpi ni

Bawi Jesuh Baptism a lak nak Puai

          Bawi Jesuh a kum 30 hrawng a ti caan ah Mithianghlim Johan Baptism cu Judea ram, nelrawn ah nan sual sir uh. Ziangahtile Vancunguknak  a nai zo” tiah sim phah in a rak zirh. Cui tikcu caan ah Jerusalem, Judea le Jordan tiva kiangkap ih um minung pawl in an sualnak pawl phuang in Mithianghlim Johan hnenah an feh ih Baptism cu Jordan tiva ah an rak lak.

          Fareshe le Sadushe pawl Baptism la dingih an feh kha Mithianghlim Johan in a hmuh tikah “Nan nih mi tha lo pawl a thleng ding mi harsatnak in tlan dingah zo in ralrinnak a lo pek?” Sualsirnak thawn pehpar mi nuntuzia thawn nung uh! Kei cun sualsirnak hrangah tidai thawn tikholhnak ka lo pek. Ka dung ih a ra mi pa in Thiang Thlarau thawn siseh, meisa thawn siseh Baptism a lo pek ding,” tiah a sim. Cu tikah Bawi Jesuh cu Baptism la dingah Galilee ram Jordan tiva kiang ih um Johan hnenah a va feh. Johan khal in “Kei cu Bawipa na hnenah Baptism la ding ka si ko nain Bawipa nang mah sawn ka hnenah na ra,” tiah a tiih Bawi Jesuh cu a dawn.

          Jesuh in “Ziang hmuahhmuah famkim nak dingah cu vek cun si ter aw” tiah a sim sal. Jesuh cu Baptism a lak ih tidai par in a thawh sall ah Vancungram cu a ong aw ih Pathian ih thlarau cu Thuro vek in a tum ih Bawipai liangah a rung cawl. Cui hnu ah “Hi Pa cu ka duhdawt zet mi ka Fapa a si” tiah Vancung in aw pakhat a thang.  Hi vek in Baptism a lak hnu ah Bawi Jesuh in a mai rundamnak hnatuan pawl cu mi zapi hmai ah a rak thok.

          Kan nih Christian pawl khal Thiang Thlarau thawn leitlunhuap ah feh in Pathian thuthangtha sim ding tuanvo a rak ngah ih kan mai Baptism lak ni sunglawi zet cu in vun mang ter sal a si.

         https://www.youtube.com/watch?v=0BCDRkSoOek

Add new comment

6 + 10 =