Mithianghlim Agnes (293-304)

Mithianghlim Agnes (293-304)

January 28

        Tuu note ti ih duhsan nak a nei mi  hmin nei tu Mithianghlim Agnes cu mi mawi zet Rome fala pakhat a rak si. Amah le a mah Khrih hrangih a nun nak a ap ih hleiah a falat nak khal cu minung mit ih hmuh thei lo mi Khrih hnenah a rak ap tu a si. Amai a hnget zet mi lungput cu ol ten thleng thei a si lo thu a thei tu hrek khat pawl in Khrihtian a  si lam an phuan phuang ih mawh an phurh. Kum hlei khat a kimah Thudiklai rel tu (w&m;oljuD;) thu suh nak a rak tong. Cui w&m;oljuD; in a nem ten a lem nak in siseh, a hringhro phah in siseh, rel tlang nakin siseh, a sim re ro nan a tumtah mi cu a thleng thei hrim lo. Meisa thawn an hremnak phun kim a hmuh rero phah in a hringhro ih Agnes ih zumnak cu a thleng aw thei hrimhrim lo. Cui hnuah nunau tha lo pawl um nakhmun ah an rak kuat. Amah sual pi dingih a zuam re ro tu tlangval pate tla cu a mit a rak caw a si. tlangval pakhat in cozah lamih thu nei tu hnenah a simih thu nei tu pal cun an hrem ih thah dingin lamzin piah tak lawngin an hnuh tikah thla a rak cam nakin tak lawngih a um mi a ruangpi cu a sam in a run khuh lohli. Cui hnuah Anges cu ur dingin meisa an muah ih zanthing cu a kang thei loih a um hnuah meisa khal a ruang pi thawn hlat zet nakah rak pet. Cuihnu khalah thu an sut rero nan kei mah i duh hmaisa bik tu hi ka hril sawn a si tiah a rak let. Kei cu kumkhua ka Bawipa ka Pathian hrangah thu kamnak ka nei zo cui thu kam cu ka let thei nawn tiah a rak let theu. Cutikah an thin a heng tukih a Luu an tan ih a thi. A ruak cu  Nomantana lamzin ih thlankuan sungah  an rak vui asi. Kumtam pi arung rei hnuah a  mah upat nakah Biak inn pakhat an run sak asi. Mithianghlim Angnes in ka thisen le nan nam cu a hnawihnih thei ding nan Khrih ka app cia mi ka ruangpi cu ziangtik hmanah bal dingin nan tuah thei lo ding tiah an thah hlan te ah a rak tong ta asi.

      A mai puai ni january ni 21 niah a mai Rome khuaih a mai Biak inn ah Tuu pahnih thawn app nak an run tuah thei a si. An thah mi tuu pahnuh ih hmul cu an met ih Bishop pai orh ding mi ah an tah theu a si. St. Peter le St. Paul puai ni a kim hlan ni khat duhah cui an tah mi thi cu pulpit ah an ret theu a si. Mithianghlim Agnes cu  Bawipai hrangah a nunnak a taksa ruang pi cu ap aw tu mithianghlim a si. Ziangvekih sual sawmnak le hrem nak phunkim tuar hman sehla Bawipai hrangih a neih mi thu kam cu pelh ter loin a hnget zet mi lungput nak thawn a nun nak pam hmai lo in Bawipa a din pi ngam tu mithianghlim a si. Tui ni ah kan ni Khrihtian pawl khal Bawipai duh nak ruat in a mah bangin kan thu kam hnget ter uh si. Pum pekih hna atuan tu pawl in mai thu kam hnget ter sin in le inn saang  nei tu in innsaang kan neih dingih kan thu kam mi le Baptism kan san lai ih kan thu kam mi kha hngil men loin Pathian hmai, minung hmaiah hnget ter sin dingah tui ni January thla ni 21 ih kan tuah  mi Mithianghlim Agnes in lam in hmuh a si. Thiltha hawl in thutiam hnget khoh ter tu si zuam hram uh si.