Mithianghlim Angela Merici (1470-1540) January-27

Mithianghlim Angela Merici

(1470-1540) January-27

                    “Mithianghlim Ursula ih pawlkom” rak din tu Mithianghlim Angela Merici cu Italy ram, Desenziano Sugada khuapi ah 1470 ah a rak suak ih a nauhak te lai ihsin nu le pa nei lo mi nauhak pakhat a ra. A kum 30 ah netabik Sacramentu pawl sang thei lo in a thi tu a u nu hnen in Vancunglam thawn pehpar mi langnak pakhat a rak ngah. Curuangah lungawi thusimnak hminsinnakah a mah le a mah Pathian hnenah a ap awk theh in Franciscan a tinkaing ah a pathum nak kaing sungtel ah a rak lut.

          Langnak pakhat ah Pathian in a mah cu mino pawl ih fimthiamnak khaisang dingah Mithianghlim pawlkom pakhat a din ding tiah a rak hmuh. Desenziano khuapi ah nunau nauhak pawl zirh dingah tlawng pakhat a din ih a voihnih nak tlawng cu Barecia khuapi ah a rak din. Cui hmun ah nunau pawl a thupibik in mifarah pawl fimthiamnak zirh sak dingah a ap aw tu ding 12 a rak sawm thei.

          An mah cu tlawngkai caan, thlacam caan ah an tongaw ko nain kawr bangaw hruk tlangnak, Sr. pawl ih tuah tul mi thukam pawl tuah lo in an rak um. Kum 1535 ah mipum mal mi rualpi burkhat in phunsangtlawng pawl kilhim tu Mithianghlim Asula ih kilkhawinak hnuai ih ap mi Mithianghlim pawlkom ih thangso zet in a rak lang.

          Pawlpi ah a hmaisabik ca zirh tu Sr. a tinkaing (Congregation) pakhat ah a rak cang. Mithianghlim Angela Merici cu 1540 ah a rak thi ih 1907 ah Mithianghlim ah nemhnget a rak si. A hnen ah zaangfah bomnak dil tlang uh si.

https://www.youtube.com/watch?v=d0uFm8kY9qo