Mithianghlim Anthony Claret (October 24)

Mithianghlim Anthony Claret (1807-1870)

October-24

          Sual hram nei lo mi Bawinui Thinlung ih Fapa pawl Pathian hnatuannak pawlkom (Missionary Son of the Immaculate Heart of Mary) rak din thok tu Mithianghlim Anthony Claret cu Spain ram, Sallent khuapi ah 1807 ah a rak suak.

          Puithiam cannak a ngah kum, kum 1849 hnu cun Anthony Claret cu Spain ram ah khualtlawng in a feh ih hminthang zet mi Pathian thu ruah nak pawl, Pathian hnatuannak pawl a rak tuah.

          Kum 1849 ah Bawinu Thinlung ih Fapa pawl Pathian hnatuannak kaing a rak din thok. Kaing ih a thupibik mi hnatuan cu ramsung le ramleng ih Pathian hnatuannak pawl a si.

          Cui hnu kumkhat ah Fr. Anthony cu Santiago de Cuba ih Bishop ah tuanvo an rak pek. Cui Diocese ih a besia zet mi dinhmun pawl a rak hmuh ruangah thlarau lam ih thlengawknak pawl zamrang ten a rak tuah.
          Pathian hna a tuan nak karh dingah tikulh parah sual hram nei lo in a sem mi Bawinu Maria ih Fanu pawl (Teaching Sisters of Mary Immaculate) kaing khal a rak din.

          Kum 1856 ah Spain ram ah an ko sal ih Siangpahrang Bawinu Isabella a pahnih nak ih thlarau lam lamhmuhtu Puithiam ah tuanvo an pek. Cu vek in a mah cu Pathian thuthangtha hmun tinkim ih karh dingah Biaknak lam thathnem pi tu ding ca uk pawl a rak suah.

          The Liveria Religiosa of Barcelona cu ram pumpuluk ih Pathian thuthangtha karh nak le thar thawh sal nak ih a thupi zet mi hmun ah a rak cang.

          Kum 1870, a thih tiang a nunram ih netabik tikcu caan pawl cu France ram Frontfroide khuapi ih Cistercian Yatih tlawng ah a rak hmang. A nunram sungah Pathian thuthangtha sim nak 10,000 le Biaknak lam ca uk 200 a rak suah.