Mithianghlim Anthony Zaccaria (July-5)

Mithianghlim Anthony Zaccaria (July-5)

“Clerks Regular of St. Paul” ti mi kaing a rak din thok tu Mthianghlim Anthony cu Italy ram Cremona khuapi ah kum 1502 ah a rak suak. A pa cu tuan te ah a rak thi ih a nu in a  thlarau lam thanso nak ah a rak zirh. A mah cu mifarah pawl a hlei cee in a rak duhdawt.

A mah cu Padua khuapi ih um Phunsang tlawng ah si vai lam a rak zir ih a kum 22 ah a zir mi cu a theh ih cu mi pawl a tak tak in hmang dingah inn ah a rak tlung sal. Asinan, cui rei lo te ah a dik mi a mai hril nak a ngah nak cu a lang ih a mah cu minung pawl dam ter ding ai in thlarau pawl dam ter ding a si thu a rak thei fiang. Hi ti vek ih a can nak in Theology zirh nak cu a rak thok.

          Kum 1528 ah Puithiam cannak a ngah ih Milan khuapi ah a thawn ih nunau pawl run nak ding hrang tiih tumtah mi nunau phuaih khat a rak din thok tu pawl a rak bawm.

Kum hnih a rei hnu ah “Tu le tu Pathian thu phuan nak, mi tampi cu Sacrament pawl tling le tlak zet ih sang thei dingih bawm nak in Pawlpi thar thawh ter sal ding” ti mi tumtah nak thawn a rualp Puithiam pahnih thawn “Clerks Regular of St. Paul” ti mi pawlkom an rak din.

          Pawlpi ih hoha bik nak hmun cu Mithianghlim Barnabas Biakinn ih a um ruangah cui pawlkom sungtel pawl cu Barnabites pawl tin an hmin a rak thang.

 Cui pawlkom sungtel pawl cu Biakinn pawl, dawr pawl an rak tuah. Mithianghlim Anthony cu Pathian hnatuan nak pawl cu zing zaan cawl lo in bang thei lo ding tiang ih that ho zet in a rak tuan nak ruangah a tha a cem tuk ih kum 1539, a kum 37 ah a nunnak a rak cem a si.