Mithianghlim Basil le Gregory Nazianzen (January 2)

Mithianghlim Basil le Gregory Nazianzen(379+390)

January-2

          Nisuah nak lam Yatih pawl Bishop a si mi Mithianghlim Basil kum 330 ah Turkey ram, Caesarea khuapi ah a rak suak.

          A mah cu Mithianghlim Gregory Nazianzen thawn Athens khuapi ah nuam zet in ca an rak zir.

An mah pahnih in a dik mi Christian si nak an sunlawih ih Biakinn le ca zirnak tlawng inn ah an caan an rak hmang.

          Kum reipi ca an rak zirh hnu ah Mithianghlim Basil cu Pathian thu ruah nak tuah dingah nelrawn ah a feh ih cui ni rei lo te ah mi tampi in a dung an rak thlun.

          Kum 370 ah Caesarea ih Bishop ah an rak hril ih Pathian hnatuantu pawl dodal nak le Jesuh Khrih cu Pathian a si lo; sersiam mi sungih a sunglawi bik mi minung pakhat a si ti mi ruahnak kha a rak dodal.

          Rawl si ding um lo caan ah a tai ah pangpar a tawn ih ei ding nei o mifarah pawl rawl a rak pek. Hmual nei zet mi a ca pawl le Pathian thu a sim mi pawl ruangah ‘Master Degree’ hmin a rak ngah.

          Milian pawl hnenah “a tleu zet mi zunghruk pawl kual khat in hlawh ba a sam thei lo ih thawng a tla tu pawl luat nak a pek hai.

          “Nan hnipuan zunkhat in mifarah pawl thuam hnaw a lei sak thei” tiah a rak ti. A harsa zet mi a hnatuan pawl le a zuamnak ruangih a bang zet mi Mithianghlim Basil cu kum 379 ah a rak thi.

          Constantinople ih Bishop a si mi Mithianghlim Gregory cu kum 379 ah Turkey ram ih Nazianzen khuapi ah a rak suak.

          A pa cu Nazianzen khuapi ah kum reipi Bishop a rak tuan. A rualpi Mithianghlim Basil cawng in Puithiam cang ding a tam sawn ih a cazir a cawl.

          Mithianghlim Gregory, Arium ruah nak pawl ih huap nak kha kumsawmli rei a tuar ih Constantinople ih Bishop ah kum 375 ah an rak hril.

          Mithianghlim Gregory cu Bishop hnatuan tuan thok dingih cui khua ih a thlen tikah zianghman nei lo mifarah vek ih a thuam awk ruangah zohman in an rak hmuak peih lo.

          Asinain, Pathian thu a sim mi Bawi thum kawm Pathian ruangah mi tampi ih upat mi ah a rak cang ih “upat tlak zet mi mifim” ti mi hmin a lak.

          Mithianghlim Gregory cu kum 390 ah a thi ih a ruak cu Rome khuapi ih um St. Peter Biakinnpi ah it in a um.

 

Add new comment

14 + 4 =