Mithianghlim Benardine of Siena ( 1380 – 1444) May – 20

Mithianghlim Benardine of Siena
( 1380 – 1444) May – 20
Khrih ih a thianghlim mi a hmin ih tirhthlah a si mi Siena khuapi ih Bernardine cu kum 1380 ah Italy ram Massa Maritthima ah a rak suak. A nauhak lai ah a nu le pa in an rak thih san ih a nu lam ih a sungkhat a ni hnen in fimthiam nak a rak zir. A ni in Pathian tih zah dingah a rak zirh. A kum 17 ah “Kan Bawinu ih unau pawl pawlkom” ti mi ah a rak lut. Cui pawlkom sungtel pawl in mi dam lo pawl dam nak an ngah sal thei nak ding tumtah nak thawn an mah le an mah raithawinak ah an ap aw. Kumsarih a rei hnu ah Siena khuapi ih um a fek zet mi daan pawl thlun tul mi St. Francis kaing ah a rak lut. Cui tlawng ah Puithiam can nak a rak ngah.
Meditation tuah nak le ca lam zir nak pawl cu kum 12 tiang rori a rak tuah. Nikhat ah “Kan U Bernardine, na hnen ih um mi thluasuah pawl thup nawn hlah,” tin Puithiam cangtu ding pakhat in a rak au. A tlun lam upa pawl in cui cu Vangcungram in a si tin ruat in Italy ram ih Pathian thu phuang dingah an rak thlah. Bernardine ih Pathian thusim nak le thinlung tha khoh nak pawl ruangah mi tampi a rak hip thei a si. “Bawi Jesuh ih hmin cu Pathian thu sim tu pawl ih sunlawi nak a si,” tiah a ti ih Pathian thu a sim theh zik te tin ten “Jesuh ti ih a thianghlim mi hmin” ti ih ngan mi thing pheng thawn Pathian thu ngai tu mipi pawl thluasuah a pek theu. Cui thing pheng par ah I.H.S ti mi cafang pathum rak ngan mi, a ti duh san cu “Jesuh Hominum Salvator” Bawi Jesuh cu minung pawl ih rundamtu tin a si. Bawlawna ah cu vek in a tha zet mi Pathian thu sim nak ruangah thap awk ih lek mi phei pawl mitampi hmai ih ur dingah an rak keng.
Phei a tuah tu cu a pum cawm awk nak a siat tiah an ti. Mithianghlim Bernardine cu a thianghlim mi hminngan mi pawl thing pheng thawn tuah in zuar dingah ruah nak tha an rak pek. Alei tu an tam ruangah a rak nei nung. Bishop can nak lak dingah voi tampi an rak forh fial. Asinan, Pathian hnatuan dingah cui forhfial nak cu rak el. Kum 1430 ah daan a fek zet mi St. Francs kaing ih Vicar General ah a rak cang. A mah cu cui kaing sung um Puithiam pawl in ruah nak um lo nak ih harsat nak pawl cu ralrin nak an pek ih Theology le Pawlpi ih cathianghlim Kanon daan zir dingin nitin a tel. Kum 1444 ah a nun nak a rak cem ih a thih hnu kum ruk ah mithianghlim ah an rak nemhnget.