Mithianghlim Bonaventure (1218-1274) July-15

Mithianghlim Bonaventure

(1218-1274) July-15

           Seraphim Vancungmi thawn pehpar mi Doctor buaih a ngah tu hminthang zet mi Mithianghlim Bonaventure cu Italy ram Bagnoregio ah a rak suak. A kum 22 ah Franciscan kaing ah a rak thleng ih a hmin cu John in “hmailam caan ih nuam awk nak,” ti duh san a nei mi ‘Bonaventure’ ah a rak cang.

          A ca zir mi pawl theh ko zir dingah Paris khuapi ah a rak thlah ih Mithianghlim Thomas Aquinas thawn naih aw ten an rak kawm aw. Mithianghlim Thomas in a fimthiam nak ih a hram thok nak cu ziang mi a si,” tiih an suh tikah Thinglamtah a rak hmuh.

          A hmel a danglam zet in a pan ringring nak cu a mai sim vek si le “Thlarau lam ih nuam nak cu milai ih thlarau ah a um mi Pathian ih a tum bik mi hminsinnak a si” ti mi tongkam nemhnget nak a si.

          Bonaventure cu a kum 35 ah Franciscan kaing ih hotu ah an rak hril ih cui kaing sungah farah nak thukam nak cu a phunphun ih a san leh ruangih a cang mi dang lam awk nak rem dingin a rak sim fiang.

          Nikhat ah Mithianghlim Thomas in Mithianghlim Francis ih thuanthu a rak ngan ih Bonaventure cu saangkaa in a rak hmu. Cu tikah Thomas in, “Mithianghlim in Mithianghlim hrangih tuah dingah kan ret pei,” tiah a sim ih a dang hmun ram ah a tlan.

          Kum 1273 ah Pope Gregory a pahra nak in Bonaventure cu Cardinal ih nemhnget dingah ai-awh tu hrekkhat cu Rome khua in an rak thlah. An mah in Bonaventure cu Florence khua kiang ih um mi tlawngah pakaan pawl a kholh lai an hmu. A hnatuan pelh a duh lo ruangah Cardinal lukhuh le a dang a thilri pawl cu cui kiangkap ih um thingkung par ih thlai dingah a rak sim.

          Bonaventure cu kum 1274 ah France ram ih an tuah mi a voihnih nak Lyons Council a kai lai ah a nunnak a rak cem. Mithianghlim Bonaventure hmin a latu zate parah Pathian thlasuahnak um hram seh.