Mithianghlim Bruno (1030-1101) (October 6)

Mithianghlim Bruno (1030-1101) (October 6)

          Mithianghlim Bruno cu Carthusian kaing rak dintu asiih kum 1030 ah Cologne khuapi ah a raksuak. Puithiam cannak a lak hnuah Reims khuapiih Cathedral ah Pawlpi hrangah hminthangzet mi mifim mithiam pawl hnenah fimnak a rak zirh.

Kum 1074 ah leilungpiih duhsan nei lo in a dik lo mi tumtah mi pawl pahsuak thei dingah Cologne khuapiih um mi Yatih tlawng ah a rak um. Amah cu a rual pi malte thawn thlacamnak le sualcawhkuannak tuahnak nunram cu hoha in an rak um.

Kum 10 a rei hnuah an mah pawl in Carthusian kaing an rak thok ih thingkung tam nak tlang, mi malte lawng um nak hramlak a sim mi Chartreuse ah an rakthawn.

An thlacam tlangnak dingah Biakinn le an um nak ding khan fate pawl an raksak. Nunau pawl cu cui hmunih feh an on lo.

 Ca siar tlangnak khan (library) le Missa raithawinak program hrangah an khawl mi paisa, BawiJesuhthi le sa khuathai siar lo an mah pawl cu ziangtinkim ah an rak farah tuk. A thupibikih an tuanvo pawl cu ca uk pawl ngannak hi a si.

 Hivekih ngan bet nak in anmah pawl cu Europe ram tluan ah an hmin a rak thang zet. Mithianghlim Bruno cu mithmai pan ringirng mi thinlung pan neitu a si.

 Amah cu 1101 ah Italy ram Calabria khuapiih um Puithiam tlawng ah a nun nak a rakcem. Pawlpi in Carthusian kaing cu ruah awk salnak nunram hrangih a famkim mi zohthiamtlak ah a rak nemhnget.