Mithianghlim Carlo Acutis ih a ruak a siat lo. October 1, 2020

miathianghlim_carlo_ih_ruak_a_siat_lo.jpg

Mithianghlim Carlo Acutis ih a ruak a siat lo.

October 1, 2020

              Mithianghlim cu October 10 ni zanlam ah a ruak cu Italy ram, Assisi khuapi ah covid-19 ruangah mipi an tam lo nan a ropi mi canserhah khawmnak thawn Mithianghlimah an khai sang. A thlan cu Assisi khuapi ih Sancta Maria Magiore biakinn ah an phum. Ziangruangahtile cui biakinn sungih Assisi's Sanctuary of the Spoliation ah St.Francis cu hi leitlun a tlansan thu amah ih a thuam hnaw phoih in Pathian hnen ap awk nak hmun a si.

              Cui thlan cu khawhhran upa pawl ih lungkim nak lak hnuah Mithianghlim ih khaisan nak ni thlen hlan nihnih a duh tlawngkai ni li ah an lai sal. Cutiih an laih sal ah Mithianghlim ih taksa cu siat lo lawlaw in a taksa pawl a ro nan a taksa um daan pungsan cu siat loin danglam zet in hmuh a si.

Hminsinmi, Mithianghlim pawl ih taksa tawt nak le siat lo nak cu Mithianghlim khaisan nakih a hram pi asi lo timi cu kawhhran mipi pawl theih thiam ding a si. A thupi mi cu leipar ih an nun laiah nitin Gospel thuthangtha cu ziangtivekin an nun pi ih, an kiangnai ih a um tu pawl hnen ziang tluk in tleu nak an pe. Mai hrang ruat loin an nun nak par ah a bun aw.

              A ro thil tiih ret ding mi a lung

              Nu Pawlpi in Mithianghlim tiih an than mi Mithianghlim pawl ih ro pawl a um. Cui ro pawl cu thlalang sungah kawhhran mipi pawl in upat thei dingin hmunkhat ah a dangten an ret. Cui thlalang sungah Mithianghlim pawl an nunlai ih an hman mi, an tham mi thil ri pawl, an taksa then pawl an ret. Mithianghlim pawl ih rothil thawn pehpar in Nu Pawlpi ih canon upadi khalah fiangzet in lam hmuh nak a um. Ziangah hitin an tuah asile thenkhat kaing (Congregation) pawl cumi upat tam mi thlacam mi a kim tiin a hmin thang Mithianghlim pawl ih ruak ro thil pawl khal mi sual rukru pawl tha lo zet ih sumpai hawlnak khal a um. Curuangah rothil pawl a hman a dik fel thu khal cui ro ret nak sungah aamahkhan nak ca hnah asilole puan te pawl um lo theih loin an ret.

              Ro pawl cu Nu Pawlpi in phun thum in an hminsin.

1. A pakhat nak ro cu Mithianghlim ih thi, a taksa le taksa then pawl an si.

2. A pahnih nak ro cu cui Mithianghlim a nun lai ah a rak hman mi thilri pawl, kohkheng pawl, an hnipuan pawl uniform cutivek an tel.

3. A pathum nak ro cu cui Mithianghlim phum nak thlan, asilole ruak thawn a tong aw mi puan, rosary le thi pawl a si. A tui Mithianghlim Carlo Acutis ih ro ret ank sungah cun amai "Lung" ret ding a si. Cui ro cu Assisi khuapi ih St. Francis Assisi Bacilica ah hlan ding a si. A thih laicaan ah a taksa then cu a rak hlu duh nan amai ih Lukimia natnak ruangah a hlu thei lo tiin a nu in a sim. Himi thuthang cu CNA thuthang ihsin kan ngah mi a si.

Photos courtesy of Assisi diocese

https://bit.ly/3dmuSG7

Add new comment

3 + 1 =