Mithianghlim Christopher Magallanes (May-21)

Mithianghlim Christopher Magallanes (May-21)
Kum zabi 20 a thawh nak lam tikcu Mexico ram ah ramkhel buai nak a rak um dah. Kum 1917 ah Mexico a cozah rampi thu lengah Catholic minung pawl a rak hrem dah. Asinan, Catholic zumnak a thup ten an kai hnget tho tho. Cuitlunah Siangbawi pawl khal pum pe in leikua sungah an rak relh. Padre Christopher Magallanes cu Siangbawi pakhat a rak si. Siangbawi pawl ih pawlkom hnatuan nak ah Catholic a si lo mi a cozah lakah an rak ding ngam. Padre Magallanes cun leikua sungah cun siangbawi tlawng a rak phuan. Kum 1920 luan hrawngah Catholic a si lo mipawl hmaiah ral tha zet in a rak din pi ngam tu a si. Leikua sungah Siangbawi tlawng a rak phuan a si.
Zum tu pawl hrangah a thup ten Mass raithawi nak a rak tuah sak theu. Mipi pawl cu Christian pawl hrem nak tik cu caan lakah Fr. Christopher hnenah feh in Sacraments pawl an sang theu a si. Netabik ah cun Fr. Christopher cu a cozah thu nei tu pawlin an kai ih thawnginn sungah an khum. Ka thi khal le a poi lo ka thisen cu Mexico hrangah luang ko seh tin Pathian hnenah thla a rak cam ta. Padre Christopher cu Siangbawi 21 le zum tu minung pathum thawn thah an rak tuar a si.
An mah cu Pope John Paul II in May 21, 2000 kum ah mithianghlim an si thu a namhnget a si. St. Christopher Magallanes hnenah mi hminthang zet mithianghlim kan si thei lo hman ah zum nak fek zek in pe aw tin zaangfah kan dil thei a si.
Mithianghlim Christopher kan mah hrangah thla in cam sak aw. Amen.