Mithianghlim Clare (1193-1253) August-11

Mithianghlim Clare

(1193-1253) August-11

          “Poor Clare” ti mi Sr. Tlawng a rak dintu Mithianghlim Clare cu kum 1193 ah Assisi khua ah a rak suak. A mah cu Francis ih sup nak thawn pehpar mi thu a sim mi kha a duh tuk ih (Portiuncula) ti mi ah a mah le a mah Bawipa hnatuan dingah a thupten a rak feh.

          A hnipuan thazet le a sauzet mi a sam cu a tan ih Francis in a mai hnipuan pakhat a pek. Mithianghlim Clare cu (Bastia) khuapi ih um Benadin Sr. Tlawngah a rak um. Clare cu a sungkhat pawl in inn ih ko dingih an rat tikah Clare in Thinglamtah kai in Bawi Jesuh lo mipa dang zohman ka nun ah an um lo tiah a rak ti.

          “Poor Clare” tiih mitampi ih thei tam zet mi khal a si ih farah tuar nak le sirawk nakpawl an rak tuah. An mah cu phanat(Kedam) hruk lo in kelawng ten an um ih nitin ten sup nak an tuah ih zohman an biak dah lo. An hnatuan nak le duhdawtnak thu pawl lawng ah an ttong theu.

Kum 1228 ah a pakua nak Pope Gregory in Mithianghlim Clare cu a fek zet mi farah tuarnak thukam nak in luat nak a pek tikah Clare in “Kei cu ka sual  nak in luat ding ka tul nan Bawi Jesuh ih dungthluntu si nak ihsin luat ding a tul lo,” tiah a rak ti. Curuangah Pope in (Privitegium Pauperitatis) a pek ih an mah cu zohman in an neih mi thilri pawl lak tengteng dingah an ti thei lo.

Kum 1224 ah Frederick a pahnih nak ih ralkap pawl in Assisi khuapi do dingih an feh tikah Clare in a thianghlim zet mi Sacramentu kai in an mah tong dingah a feh. Rin lo pin tihnungza zet mi mangbangza thil pakhat in an ral pawl cu a kaih hrem.

          Curuangah an nih cu zohman harsat nak pek lo in an tlan hlo theh. Kum 1253, Mithianghlim Clare a thih hlan te ih a tong mi cu, “I sersiamtu Bawipa Pathian hnenah thangthatnak um seh law,” tiah a rak ti.