Mithianghlim Columbus (563-615) (November-23)

Mithianghlim Columbus (563-615) (November-23)

          A upabik mi Ireland miphun Pathian hnatuantu Mithianghlim Columbus cu 563 ah West Leinster ah a rak suak. Mino a si vekin nunau tampi pawl in duh nak nei in an va pan theu. Cui tikcu caan ah thinlung a thianghlim mi nunau pakhat hnenah ruah nak a dil ih cu nu in “Nunau pawl zalen zet in na hrial thei ding tiah na ruat maw si? Eve a thlah phoih tu Adam na mang maw? Dalilah thawn tha mal dingih thleem a tuar tu Samson , Beshiba ih mawi nak thawn a hlan ih a tlaitluannak in thleem a tuar tu David, nupi pawl ih duhdawtnak thawn bum a tuar tu mifim Solomon pawl na mang maw?

          “Mi tampi an tlak nak hi tiva in tlan aw,” tiah ruah nak a rak pek. Cu tikah Colulmbus in a innsungsang tanta in Yatih nunram ah a lut. A kum 45 ah France ram le Italy ram pawl ah a feh ih mipi pawl Pathian thu a rak sim. Cui hlei ah daan a fek zet mi Yatih tlawng pawl khal a rak din. Nunau pawl le mikhual pawl Yatih tlawng sungih luh a on lo tu Yatih pawl khal an hnatuan le hardamnak thawn a kaih mi rawl lawng an ei thei.

          An mah cu Pathian cing ringring thei nak dingah le ka thawn tuah sual mi sual nak pawl hrial thei nak hrangah nikhat ih tikcu caan tamsawn cu riahsia zet in an hmang. A rak sim mi cu “milai in midang thu reltlangnak le tuamhlawm nak, nasa zet ih relsiatnak pawl ruah lo ih tuah nak le midang dungih relsiatnak cu vek hnak in zianghman a duh mi a um lo.

          Thleidan thiam mi ka a nei lo tu cun dai ten um a tul. A si lo le an sim mi cu remdaih nak a thanso ter tu a si a tul,” tiah a sim. Columbus cu Bobbio Yatih tlawng ah 615 ah a rak thi. Mithianghlim Columbus cu mi neinung le hminthang mi a si nak in nunau tampi thleem nak a rak tuar theu ko nain cui thleem nak pawl le khuavang tha lo ih thleem nak a rak hrial thei vek in sualsawmnak a phunphun in kan luat thei nak dingah a hnenah ben in thlaza cam tlang uh si.