Mithianghlim Cosmas le Damian (September-26)

Mithianghlim Cosmas le Damian (September-26)

          Nat nak a phunphun zoh tu siibawi pawl kilkhawitu Mithianghlim Cosmas le Damian cu Arabian ram ih faphir an si. An mah cu Syria ram ah sii vai lam an zir theh hnu ah Cilisia ram ih Agia ah an rak um ih cu tawk ah a thiam zet mi nat nak a phunphun zohtu sibawi ah an rak cang.

          An fimthiamnak thawn an hnatuan cu an hlawhtling zet ko nain an tuam   an lak dah lo. Cu tik vek in mi tampi cu Christian zumnak ah an rak ceer. Kum 283 ah diocletion miphun pawl ih hremnak sungin an pahnih cu thinglamtah ah an khenih an luu an tan. Natnak tampi hlo ternak thawn pehpar mi  mangbangza ralrinnak pektu pawl cu an mah tin an run thei ter. Minna pawl ih zanmang ah voikhat voihnih an langih cui minaa pawl sii tla an rak pek. Cu milak in ramuk tu a hmaisabik siangpahrang Justin tla a tel. Rome ih biakinn tel in an pahnih sunlawihnak ah Biakinn tam zet an rak sak.

Mithianghlim Cosmas le Damian cu Siibawi (Tamdaw) pawl kilkhawitu tin Pawlpi in a ngamhnget bangin kan ni khal kan thinlung, kan thlarau le taksa damnak kan ngah theinak dingah le Siibawi pawl hrang khalah Pathian kut cak langin mina pawl damternak an nei sinsin theinak dingah thlaza cam tlang uh si.