Mithianghlim Deacon Ephraem (306-373)  June-9

Mithianghlim Deacon Ephraem

(306-373)  June-9

           Hlanlai Catholic pawlpi ih milarbik aawn mawi tum thiam tu a si mi mithianghlim Ephraem cu kum 306 ah Seria ram Nisibis ah a rak suak. A kum 18 ih tikholh nak a ngah nak ruangah Pathian zum lo tu a nu le a pa in an inn in an rak dawi. Cui hnu in thok in Nisibis ih Bishop mithianghlim Jacob ih kuthnuai mi ah a rak cang ih kum 325 ah Nicaea thurelkhawm nak ah Bishop a rak thlun. Kum 350 ah Nisibis cu Persia pawl ih kut hnuai a thlen tikah Edessa kiang ih minung mal nak tlang par ah a rak um ih  nasa zet in ulh nak a rak tuah.

            Thawmvang um lo nak hmun, lungkua sungah thlarau lam ca pawl le Bible Cathianghlim pawl ih a duh san pawl a rak ngan. Ephraem cu Deacon ah a rak cang. Asinan, tangdor nak thawn Puithiam cang dingah a rak el. A mah cu Edessa ah tu le tu Pathian thu a sim ih a hman lo mi thu zirh nak pawl dodal in Catholic zum nak cu raltha zet in a rak humhim. Kum 373 ah Edessa ram ih pam a tlun tikah mifarah pawl runnak ding hnatuan dingah a mah leh a mah a rak ap aw.

          Mifarah pawl a bom nak ah a tha a cem ih a um nak lungkua ih a thlen hnu thla khat ah a nunnak a rak cem. A mai a tum bik mi a thil ti thei nak cu a thianghlim mi hla cu uk pawl biak khawm nak ih hman thok nak hi a si. Cui hrangah a mah cu, “a thianghlim thlarau ih tingtang phunkhat,” tiah thuanthu ah a hmin a rak thang.

https://www.youtube.com/watch?v=BhutW8zTv1Y