Mithianghlim Francis Xavier

Mithianghlim Francis Xavier

(1506-1552) (December-3)

        Hmun dangdang ih Pathian hnatuan tu pawl kilkhawitu Mithianghlim Francis Xavier cu kum 1506 ah Spain ram, Pamplona khuapi ah a rak suak. France ram ih Paris khuapi ih fimnak a zir lai ah Loyola in Mithianghlim Ignatius ih a hmaisabik ih a dungthluntu pasarih sungtel a si. Kum 1541, Puithiam a ngah hnu kumli rei ah Francis Xavier cu India ram ah Pathian hna tuan dingin an rak thlah. Thla 13 rei hnu lawng in khual an tlawn hnu ah Portugal ram a si mi Goa khuapi ah Pathian thu an rak sim thok ih khua nu khua pa pawl ih thu hman lo le dik lo ih an tuah mi thil sual pawl lak in a humhim.

          A cuangce in a hrekkhat hnatuan nei tu upa pawl in an sal pawl an hrem zat an siar nak ah an mai Rosary pawl an hman nak in an rak kham thei lo.Thlanga a rei hnu ah ngakaih nak hmun tifinriat ih um Paravas miphun lak ih Pathin thu a sim mi in tha a ngah ih cui miphun tampi pawl in Christmas tha pek nak an rak dil.

          Brahman miphun pawl lak ah kum khat sung Pathian thu a sim ih a nunnak a thleng tu pakhat lawng rak ngah tu Francis Xavier cu sunnak ziangtin kan pom ding ti khal fiang ten a thei. Kum 1549 ah Francis Xavier cu Japan ah khual a tlawng ih Japan khuapi ih a hmaisabik Pathian hnatuan tu a rak si. Harsatnak tuar a zuam ih farah tak ih um nak in Japan mi pawl a hip thei lo ti a hmuh tikah tha ten hnipuan a hruk ih khua upa pawl hmai ah Portugal khuapi ai-awh tiin a mah le mah theih ter awk nak a rak nei.

          Mi uk thei nak laksawng ah Guitar thawn pehpar mi thinkuang pakhat le Nazi pakhat a ap theh hnuah minung pawl Pathian thu sim thei nak le Pathian hnatuan thei nak caantha an ngah. Francis Xavier ih a hmuh dan vek a si le “Pathian zum lo tu sungin Japan miphun pawl tluk ih thinlung tha miphun nan hmu lo ding,” ti a si.

          A hlan ih a hlawhtlinnak pawl ruangah khua upa pawl an thin a nuam thei lo ih dungthluntu hnatuan an kham. Cui hnu China ah Pathian thu sim dingah a bot cat. Asinain, Hong Kong kiang ih Sancian tikulh a thlen tikah a dam lo ih kum 1551 ah cui tikulh ah a nunnak a rak cem a si.