Mithianghlim George (April– 23)

Mithianghlim George (April – 23)

     England ram rak kilkhawi tu mithianghlim George cu Cappadocia khuapi ih Christian upat tlak pakhat a rak si. Nikhat ah mithianghlim George cu tihnungza rulhreng pakhat ih tihphan nak a rak tuar a si. Libya ram ih Sylene ti mi khuapi ah rin lo pin a rak thleng tin hlanlai daan a rak um. Khuapi pawl in cui tihnungza rulhreng hnenah ni tin ten tuu pahnih thawn raithawi nak an rak pek theu. Asinan, ni tin tuu pahnih an pek theu ruangah tuu pawl cu nikhat hnu nikhat an mal deuh deuh. Curuangah tuu ai-awh ah minung pakhat cair raithawi nak an rak pek awk. Cu vek ih raithawi nak pek dingah camcawh fung in an hril theu. Nikhat ah cui casual cu Siangpahrang ih fanu hnenah a rak thleng. A ai-awh in zohman in thih an peih lo. Curuangah Siangpahrang fanu cu rulhreng rawl dingih thi dingah a feh. Asinan, mithianghlim George in a fei thawn rulhreng cu a that ih Siapahrang fanu cu thih nak ih sin a rak run suak. Siangpahrang Bawipa in a fanu a ruun suak tu mithianghlim George cu sui, ngun le lungmankhung pawl siang zet in a rak pek. Asinan, mithianghlim George in cui laksawng pawl a hnen ih pek ding ai ah mifarah pawl pe dingah a rak ti. Mithianghlim George ih cu vek ih a tuah nak ruangah mitampi in Chriatian pawl ih zum nak an pom ih tikholh nak an rak laak.

        Mithianghlim George cu England ram kilkhawi tu mithianghlim le Jesuh Khrih hrangah tharau lam ih raldo tu pawl bawm tu mithianghlim pakhat a si. Mithianghlim thu a rak siartu zate parah Pathian thlasuahnak um hram seh.