Mithianghlim Gertrude (November-16)

Mithianghlim Gertrude (November-16)
Sak le thlang America karlak ih um nitlak nak lam India tikulh pawl kilkhawitu Mithianghlim Gertrude cu 1256 ah Germany ram, Eisleben ah a rak suak. A nauhak lai ihsin thokin Cistercian Sister Convent tlawngah a rak um ih Bible thuanthu pawl le ruah nak lam fimthiamnak Philosophy pawl tha zet in a rak zir. A kum 26 ah a hmin a thang ter tu a voikhat nak thuthan a rak ngah. A it ih a ih that zik zawng teah a hnenah Bawi Jesuh a rak lang ih “Ka hnenah ra kir sal aw, ka lungawi nakah na hrangah Sabitti vek in mi duh zet mi ah na cang ding,” tiah a rak sim. Cui hnu ah a mah cu Biaknak lam thawn a pehpar lo mi
fimthiamnak pawl tansan in Cathianghlim le Pawlpi ih pa pawl hnenah a kir sal.
Mithianghlim Gertrude cu St. Mechtildis ih lamhruai nak hnuai ah thlacamnak le Pathian thu ruah nak thawn nunram famkim nak a rak hawl. A voikhat nak langnak hnu khal ah Bawipai Thi le Sa a san caan pawl ah Bawi Jesuh in a hnenah a leng theu. Thu cah mi zate le mangbangza a hmuhton mi pawl cu Gertrude ih thuphuan nak (Relelation of Gertrude) tiih mi theih tam zet mi a mah ih “Bawi Jesuh ih zaangfahnak ih tirhthlah,” tiih hmin a nei mi “Herald of God’s loving kindness” ti mi ca uk ah famkim zet in a rak ngan. Bawi Jesuh le thlarau lam thawn pehpar mi kut sihnak thu le Thianghlim Thinlung upat nak a tul thu khal a rak ngan. A mah cu voi tampi a lu cu Bawi Jesuh ih tang ah a zau ter ih Bawi Jesuh ih thinphu khal a theih thei thu a mah rori ih teette a rak khan. Mithianghlim Gertrude cu 1301, a kum 45 ah a nunnak a rak cem a si.
https://www.youtube.com/watch?v=GqBnFfYd0hw