Mithianghlim Isidore ih thuanthu tawi (April 4)

Seville khuapi ih Mithianghlim Isidore  ih thuanthu tawi (560-636)

        Seville ih Bishop a simi Mithianghlim Isidore cu kum 560 ah Spain ram, Cartagena ah a rak suak. A upa ih a fek zet mi a daan pawl ruangah mithianghlim Isidore cu a culaiah a thiam hleice zet mi cathiam pakhat a rak si. A upa in zin sual ih thleng lo dingah thawng inn sungah a rak ret. Kum 600 ah Seville khuapi ih Bishop si nak an rak pek ih Isidore in Jesuh Khrih kha Pathian ih a zumlo tu pawl an hmuh nak hman ding ah a rak bawm. Kum 633 ah Toledo khuapi ih an tuah mi a voili nak thu ron pumkhawm pi ih hoha tu ah a rak tuan. Cui thu rel tlang nak ah biak khawm nak ih daan pawl a   rak tuah. Europe ram ih mi tam sawn cu mipuar thau din hmun ih an thlen tikah Spain ram cu thuanthu lai nunphung khua pi a rak si ruangah mithianghlim Isidore hnen ih lungawi thu sim ding an si.

        Isidore cu ca ngan thiam zet mi saya pakhat asi. A ca uk tampi sungin science zate ih kom mi suah keh nak, thu hla sim fiang nak a phunphun a tel mi a thupibik ca uk ah a rak cang.

        Kum zabi 9 lai hrawngah tlawngta pawl hrangah duh a nung zet mi tlawng ih hman ding cauk khal a rak si. Cui ca uk cu kum reipi (pHcsdefwifrSDjirf;) cauk pakhat ah a tang ta. Mithianghlim Isidore ih ngan mi le a rak kil khawi mi “Catluan pawl ih cauk pathum” cu Khristian pawl ih ruah nak nun tu zia pawl hrangah Pawlpi ih a hmaisabik an hman theu mi cauk a rak si. Mithianghlim Isidore in “Thlacam nak cauk lole thlacam nak in in thiangfai terih, ca  siar nak in lam hman ih thleng dingah, lam in hmuh. A cang thei le a pahnih ih tuah a tha. A cang thei lo le thlacam nak cu ca siar aiin a tha sawn” tiah a rak ngan.

        Mithianghlim Isidore cu a thih tiang sual cawhkuan nak le pumsa ulh nak  pawl a rak tuah theu. A thih hlan netabik thlaruk ah a tlawng cu nazi 24 sung rori mifarah pawl thawn a khah tiang a duh dawt nak cu a rak khai sang asi. Kum 636 ah mithianghlim Isidore cu netabik Scaramentu pawl a laak hnuah, leiba a sam thei lo tu pawl a rak ngai thiam. A tang lai mi a thilri pawl khal mifarah pawl a zem ih Khrih Jesuh hnen ah hna ngam ten a rak cawl asi.

        Mithianghlim Isidore hnen ah a mah bangin thlacam nun a nei tu kan si thei nak dingah thla in cam sak aw tin dil tlang uh si. Mithianghlim Isidore cun mi hrangah a nun a rak hmang bang in nitin kan nun nak hi Khrih hrangah, Khrih ih fa le pawl hrangih kan hmang thei nak dingin thlacam nak thawn ben tlang uhsi.