Mithianghlim Januarius ih Thuanthu tawi (September 19)

 

Mithianghlim Januarius (September19)

         Naples mi pawl kilkhawi tu mithianghlim Januarius cu April 21, 272 ah a suak ih 305 ah a thi. Diocletian san Christian pawl an hrem lai ah mithianghlim Januarius cu Benevento ah Bishop a rak tuan. Amai Deacon pahnih le pawlpi sungtel pahnih pawl cu an zum nak ruangah thawng an tla ti a thei tik ah an mah va tong dingah a rel cat. Van siat nak ah an rak kaih ve ih sahrang rawl ah an pek. Asinan, lek nak zung ih um mi ramsa pawl in harsat nak an rak pek lo. Curuangah Puteoli ah an hruai ih a luu an tan. A thi cu ti ah a thleng awk ih a thliti thei nak huham ruangah mithianghlim Januarius cu mikhat hnu nikhat a hmin a thang vivo. Naples khua ih um Biakinn sungih an ret that mi a ro cu kumkhat voithum mipi pawl a hmuh. Voikhat voihnih siangbawipa in cui a ro ret nak dawng te a khuplam ih a ret ngah can khal ah Missa raithawi nak Sabitti cu thisen ah a thleng awk.

          Cui mithianghlim ih a thi ai in a dang mangbangza thil ti thei nak pawl khal le hniksak nak pawl an rak tuah ih zo vek science mifim pawl khal in a thi tidai ih a can thu an rak el thei lo. “Zum tu hrangah ziang vek mangbangza thil ti thei nak hman a tul lo. Asinan, zum lo tu hrangah ziang vek mangbangza thil ti thei nak hman in a daih lo,” tin tongfim a um.

 

 

Add new comment

1 + 2 =