Mithianghlim John the Baptist (June-24)

Mithianghlim John the Baptist (June-24)

          Fala Thianghlim Maria vek in Johan khal le a kumkhua Vancungram ih a luh nak puai lawng si lo in leitlun ih hrin a si nak Puai tuah dingah a cuangcee in tikcu remcang a ngah. A nu le a pa pawl cu Pathian ih mithmai kaa ah mi tlaitluang zet mi an si. Elizabeth cu nucing a si ruangah nau a nei thei lo ih a kum khal a upa vivo thlang. Nikhat ah Zechariah cu Biakinn ih Pathian hna a tuan lai ah Vancungmi Gabriel in lang nak a hmuh ih, “Zechariah, na thinphang hlah! Pathian in na thlacam nak cu a lo cohlang ih na nupi Elizabeth in Fapa a hring ding,” tiah a rak sim. An mah cu an tar thlang ruangah Zechariah in a sim sal. Gabriel khal in, “Ka tong mi na zum lo ruangah ka tong mi a cang hlan sung hmuahhmuah tong thei lo in na um ding,” tiah a rak ti.

Elizabeth Fa a hrin hnu niriat ah an sungkhat unau, rualpi pawl le an inn hnen pawl an ra ih nau te cu vun zim tan nak an lak ter. A pa ih hnam thlun in, “Zechariah” tin a hmin pe ding ih an ti tikah, Elizabeth in, “John tin kan ko ding,” tiah a rak ti. An innsungsang ah cuvek hmin nei zohman an um lo ruangah an mang a bang theh.

         An pa khal in cahnah in, “a hmin cu John a si” tiin a rak ngan. Cui caan ah a kaa cu rin lo pin a hung ong aw ih, “Isarel ih Pathian hnenah sunlawi nak um hram seh,” tiah Pathian cu a thangthat.

Naute cu nikhat hnu nikhat a thang lian vivo ih thlarau thianghlim thawn a khat. Isarel miphun pawl hnen ih lang nak an hmuh hlan lo nelrawn ah an rak um.