Mithianghlim John the Baptist (kumzabi 1) June-24

 john_the_baptist_puai_ni.png
john_the_baptist_puai_ni.png

Mithianghlim John the Baptist (kumzabi 1) June-24

        Fala Thianghlim Maria vekin Johan khal le a kumkhua Vancungram ih a luh nak puai lawng si lo in leitlun ih hrin a si nak Puai tuah dingah a cuangcee in caan tha a ngah. A nu le a pa pawl cu Pathian ih mithmai ka ah mi tlaitluang an si.

Elizabeth cu nucing a si ruangah nau a nei thei lo ih a kum khal a upa vivo thlang. Nikhat ah Zechariah cu Biakinn ih Pathian hna a tuan lai ah Vancungmi Gabriel in lang nak a hmuh ih, “Zechariah, na thinphang hlah! Pathian in na thlacam nak cu a lo saang ih na nupi Elizabeth in Fapa a hring ding,” tiah a rak sim. An mah cu an tar thlang ruangah Zechariah in a sim sal. Vancung mi Gabriel khal in, “Ka tong mi na zum lo ruangah ka tong mi a cang hlan sung hmuahhmuah tong thei lo in na um ding,” tiah a rak ti.

Elizabeth Fa a hrin hnu niriat ah an sungkhat unau, rualpi pawl le an inn hnen pawl an ra ih naute cu vun zim tan nak an lak ter. A pai hnam thlun in, “Zechariah” tin a hmin pe ding ih an ti tikah, Elizabeth in, “John tin kan ko ding,” tiah a rak ti. An innsungsang ah cuvek hmin nei zohman an um lo ruangah an mang a bang theh.

          An pa khal in cahnah in, “a hmin cu John a si” tiin a rak ngan. Cui caan ah a kaa cu rin lo pin a hung ong aw ih, “Isarel ih Pathian hnenah sunlawi nak um hram seh,” tiah Pathian cu a thangthat.

Naute cu nikhat hnu nikhat a thang lian vivo ih thlarau thianghlim thawn a khat. Isarel miphun pawl hnen ih lang nak an hmuh hlan lo nelrawn ah an rak um.

https://www.youtube.com/watch?v=zu5r4kR-xvM

Add new comment

2 + 11 =

Please wait while the page is loading