Mithianghlim Josaphat, Bishop, Martyr (November 12)

Mithianghlim Josaphat (1580-1623)

November 12

          Pawlpi pumkhat si nak dingah zuam phah in a nunnak rak liam tu Mithianghlim Josaphat cu 1580 ah Ukraine ram, Vladimir ah a rak suak. Vilna ah thil zuar pakhat hnenah hnatuan phah in sumdawnnak ah thathnemnak a um mi tuah phah ding le a Bawipa ih Fanu pakhat thir dingah an forh a si nain, Josaphat in Yatih pakhat si dinih a rak tumtah zo ruangah an fial mi pahnih in a rak el.

          Kum 1604 ah Vilna khuapi ih um Bawithumkom Pathian pakhat tlawng ah a lut ih rei lo te ah Puithiam cannak a rak ngah. A mah cu a tlaitluang zet mi nunram, taksa lam ulh nak nunram in a rak khuasa ih Orthodox Pawlpi le Rome Pawlpi kom awk sal nak hrangah tha suah zet in a rak sim.

          Kum 1617 ah Polotsk khuapi ih Bishop ah tuanvo an pek hnu ah Pathian thu zirh nak ca uk a rak suah. Hi hmun ah ralrin a tul mi cu nisuahnak lam Orthodox Canon upadi vek ih kutsih tu cu Puithiam cannak pek a ngah ko nain, a nupi a thih hnu ah nupi dang a nei thei nawn lo.

          A mai Pathian hnatuannak ih a hlawhtlinnak in Orthodox kohhranpi pawl an thin a heng ter. An mah cun Josaphat cu “thlarau fifir” tiah an ko.

          Josaphat in “Kei cu Rome Pawlpi thawn kom aw in Mithianghlim Petru ih thuneihnak hrangih thih tuar dingah ka man cia,” tiah a rak sim.

          Kum 1623 ah Josaphat cu zinglam thlacamnak cam dingah Biakinn sungih a feh lai ah Pathian zum lo tu mi burkhat ih do nak a tuar ih methal thawn kah a rak tuar.

          Mithianghlim Josaphat vek in miding, mi tha le Pawlpi ih zirh nak sungah fek zet ih kan um tlang thei nak dingah a hnenah zaangfah bom nak dil tlang uh si.   

Add new comment

1 + 2 =