Mithianghlim Leo the Great, Pope, Doctor (November 10)

Mithianghlim Leo the Great, Pope, Doctor (400-461)

November 10

 

          Pawlpi thuanthu ah a thupi zet mi Pope pawl sungih pakhat a si mi Pope Leo a pakhat nak cu kum 400 ah Rome khuapi ah a rak suak. A mah cu fimthiamnak lam ah theih kauh nak nei mi a si ih a danglam zet mi thiam nak nei tu khal a si vek in Pathian si nak a lak theh hnu ah Pope ih Secretary ah a rak cang.

          Pope Sixtus a pali nak a thih hnu ah Pope ih hril nak a rak ngah. Pope Leo cu Pope zung a si mi Vatican ih zoh thim tlak si nak ih tahthim ding um lo mi a sannak ah a rak khaisang.

          A mai Biaknak a hlawhtlin nak cu 451 ah Charles Situng thurelkhawmnak ih a sang bik mi ah a rak thleng. Cui thurelkhawmnak ah a mah cu Bawi Jesuh in Pathian si nak pakhat lawng a nei tiih zuam tai tu pawl dodal in Bawi Jesuh ih minung si nak cu a rak nemhnget.

          A ca cu Pope ai-awh tu pawl in an siar tikah Bishop pawl khal in “Petru in Leo hnen in a tong” tiah cohlang in lethmat an rak thu. Bawi Jesuh in si nak pahnih ih pehtlaih awk nak cu fiangzet in a sim tu ih simfiang nak cu Pawlpi in mi zapi theih in zirh mi ah a rung tang lan ta a si.

          Kum 4452 ah Pathian ih funghreu tiih mi theih tam mi Ietriladihan cu Rome khuapi do dingah a ralkap pawl thawn an feh. Mipi khal in tlangaak in thinphang zet in rawl a ei vek in an thinphang theh ih ralkap tampi in an hnatuan le si nak pawl an tanta. Cu tikah Pope in dodaltu pawl cu Thinglamtah pakhat thawn a rak do ih Atlantic khal a ram ih tlung sal dingah a rak forh thei.

          Voikhat voihnih ah Pope Leo in a sual nak ngai thiamnak ngah dingah Mithianhlim Petru ih thlaan ah ni sawmli sung thla a rak cam tiah an sim.

          Cu tikah Dungthluntu cu a hnenah ra lang in “Puithiam si nak ap nak ih na tuah mi sual nak siar lo Pathian in na sual nak pawl a lo ngaithiam zo,” tiah a rak sim.

          Cui hnu ihsin thok in Puithiam cannak cu a kum tling in tha ten a rak tuantu Brother pawl Puithiam cannak pek dingah rikhiah pawl a rak tuah. Pope Leo cu 461 ah a nunnak a rak cem a si. A ruhreo pawl cu Vatican Biakinnpi ah tu ni tiang ret that in a um.

          Hi Mithianghlim in Bawi Jesuh hi minung si nak le a Pathian si nak fiangzet in a rak thei tu le a rak zirh tu a si vek in kan nih khal kan Biakmi kan Pathian a thei fiang ngaingai tu kan si ve thei nak dingah in zirh ve aw tiin bawm nak dil tlang uh si.

Add new comment

8 + 4 =