Mithianghlim Lucy ih thuanthu tawi

Mithianghlim Lucy (December-13)

           Mitcaw pawl a rak bawmtu Mithianghlim Lucy cu kum zabi pathum hrawngah Italy ram thawn peh par mi Syracuse ah a rak suak. A nauhak lai in fala him a rak upatzet ih Bawi Jesuh hnenah a thup ten a rak ap aw. Syracuse khuapiih a mah rak aatcilh tu pakhat cu a mah thawn el awknak ruangah ningzak thinheng in Lucy ih Christian pakhat a si thu a rak phuang.

          Hi thil cang a thlen can cu kum 304, Diocletion pawl in Christian pawl an hrem caan ah a si. A zumnak siat ral ter dingah thuthentu in hlawhhlang inn ih sual tuah dingah taklawngte in a feh ter.

          Asinan Pathian in a thinlung thleng lo dingin a rak bawmih hnaihnoknak cu a rak neh. Cu vek thotho in meisa thawn ur ding an ti nan cui hnaihnoknak khalin a rak neh thei lo. Curuangah a hrek khat ralkap pawl in Lucy ih mit an rak phorh sak. Asinan mangbangzet in a hlan hnak in a mawi deuhdeuh. Netabik ah cun a dang ah naamsau pi thawn an rak dawtih a thi. Cui sin thok in Mithianghlim Lucy cu pawlpi ih hminthang zet mi Mithianghlim ah a rak cang.

 

Add new comment

4 + 3 =