Mithianghlim Magaret Mary Alacoque (1647-1690) (October - 16)

Mithianghlim Magaret Mary Alacoque  (1647-1690)

October - 16

              Mithianghlim Magaret Mary Alacoque cu kum 1647 ah a rak suakih Bawi Jesuh thianghlim thinlung ih dungthluntu asi. A nauhak laiah a pa in a thih sanih hnen um vekin a zoh tu a ni ih hrem nak tuar thei dingah Bawi Jesuh ih Thi le sa cu thazangah a rak lak. A kum 21 ah Paray le Monial khuapi ah a sungkua pawlih lungkim nak tel lo in a rak lut. Mithianghlim Magaret Mary ih nun cu a rak harsa zet, asinan a harsat nak phunkim cu thinsau nak thawn a rak tuar. Kum 1673, December 27 ihsin thokin thla 18 sung hmuahhmuah Biakinn sungih Missa raithawi nak cabuai ah Bawi Jesuh in Magaret Mary hnenah a thianghlim thinlung ih duhdawt nak tumzia kha a rak hmuh.

             Cuihleiah midang a hmuahsuam rero tu rem awk lo dingih a tuah tu thil tha lo pawl thleng dingah apawknak tuah dingah a rak cah. Thianghlim thinlung hnen ih raithawi nak pek dingah le tlawngkai nili zan nazi 12 hlan nazi pakhat duh ih tuah ding le thianghlim thinlung puai ni tuah nak in ap dingah a si. Amah aiih upa pawl in Magaret Maru cu an zum lo ih cui lang nak cu in hmuh aw tiah an ti. Cui hnu reilote ah Mary cu danglam zet le a besia zet mi a nat nak in a dam. Cule Mary in Bawi Jesuh ih rak sim mi Setan ih sualsawm nak ih luat nak dingah na ai upa pawl ih lungkim nak tel loin ziang thil hman tuah hlah timi tongkam a vun mang sal.

              Cui thuhla cu mitampi ih an theih tikah a hrekkhat Pawlpi lam ih mifim, mithiam pawl ih zum nak ding hrangah an el awk ih, Sr. Mary cu rawl tam deuh ei dingah ruah nak tha an pek. Van that nakin Puithiam Clawd La Columbiere in, cui buai nak cu tuanvo a lak ih Parish upa pawl ih hmaiah cui mangbangza langnak cu lungkim in a rak hum. Kum 1687 ah Jesuhih thinlung thianghlim upat nak ah tin Paray khuapi ah Biakinn pakhat an sak ih Bawi Jesuh ih thinlung thianghlim upat nak cu Pawlpi um nak hmuahhmuah ah a rung karh zai. Mithianghlim Magaret Mary cu kum 1690 ah a nun nak a rak cem a si. Mithianghlim Magaret Mary hnen ih Bawi Jesuh lang nak a rak hmuh laiah thla ih zarh hmaisabik tlawngkai ninga ni hi a mai thianghlim thinlung duhdawt nak a rak hmuh vekin cui niah ap awk nak , pumpek nak a hlei loin tuah dingih a rak fial a si. Curuangah St.Magaret Mary hnenih a cah mi cu tui ni tiang a pehpeh in a run tuah tu mi nung tampi an um vekin Jesuh thianghlim thinlung upat nak ni sunglawi ah a hleicein upat nak, sual cawh kuan nak le ap awk nak nei cio uh si.  

https://www.youtube.com/watch?v=gAo7aOYo45k

Add new comment

7 + 0 =