Mithianghlim Paul Khristu (1694-1775) October 19

Mithianghlim Paul Khristu (1694-1775)

October 19

          Thinnatnak kaing (Possionist Longregation) rak dintu Mithianghlim Paul cu Italy ram Ovada khua ah 1694 ah a rak suak. A nauhak nunram cu Pathian thu duh nak le tlaitluangnak pawl thawn a rak hmang.

          A kum 15 ah Bawi Jesuh ih nat nak hma pawl thawn pehpar mi thuthangtha a rak theih caan ihsin thok in sup nak le thlacamnak nunram thok phah in a nun a rak khuasa.

          Kum 1720 ih a rak hmuh mi Bawinu ih lang nak ah Bawinu in Kawrfual dum hruk in a Fapa ih zonzaih harsat nak ruat ringring tu dinhmun in a ruat tu pawl ih Biaknak lam ih hnatuantu pawlkom pakhat din dingah a rak fial.

          Cui thuhla thawn pehpar in Paul cu Rome khuapi ah a voikhat nak a rak feh ih Vatican khuapi sungah luh an rak on lo. A tlun nak lam tluan ah Monteajantariu hmun ih nuam zia a duh tuk ruangah a naupa John Vatatit thawn cui hmun ah Yatih Puithiam dinhmun ih um dingah a rak bot cat.

          Puithiam cannak a ngah hnu ah Paul te’i unau pahnih in midam lo pawl bawm nak an rak thok vek in Italy ram tluan ah Pathian hnatuan pawl mi tampi ih theih dingah an rak tuah.

          Pathian thu an sim nak cu Bawi Jesuh ih a rak tuar mi nat nak pawl thu par lawngah a rak bun aw. Cu vek in milai pawl ih an tuah mi sual nak pawl hrangah an mah leh an mah mipi hmai ah nasa zet in sual cawh kuan nak pawl an rak tuah.

          Kum 1741 ah Pope Benedict 14 nak in Paul ih Jesuh ih zonzaih harsat nak pawl a tuar tu kaing cu mi tampi theih in (Passionist Congretation) a rak on ih a tui ti vek in a luh duh nak tlawng ah thukamnak la in a rak lut tu an tampi.

Mithianghlim Paul in a netabik a caan cu mah te lawng um nak thawngin a caan a rak cem ter. Kum 1775, October 18 ni ah Rome khuapi ah a nunnak a rak cem a si.