Mithianghlim pawl ih puai ni sunglawi (November 1)

Mithianghlim zate ih Puai ni sunglawi

November-1

          Mithianghlim pawl cu Paradise kumkhua nunnuam nak, um nak ih nuam aw tu pawl an si. An mah pawl sungin mi hrekkhat cu Pawlpi ih mipi theih ih nemhnget mi an si ko nain, a tamsawn cu Pathian pakhat lawng in a thei.

          Thuphuan 22:5 ah "Hmaiton in an hmu aw dingih a hmin cu an cal ah ngan a si ding" tiih a ti vek in an mah cu Pathian ih Vancunram nuam ah Pathian cu hmaiton ih a hmufiang tu pawl an si.

          An mah pawl sungin a hminthang bik mi cu Vancungmi pawl ih Siangpahrang Bawinu ih upat sunloih mi a thianghlim zet mi Fala Thianghlim Nu Maria a si.

          Kan zate khal Vancungmi pawl ih cang dingah sawm mi kan si. Hrekkhat cu Pathian hrangih thah tuar nak thawngin siseh, mi hrek cu zohthim tlak zet mi ih hminthang zet mi nuntuzia, ruah daan pawl thawn siseh, a tang lai mi hrekkhat cu an mai nitin tuanvo pawl an ti thei tawk in a tha bik si dingih silhkhah nak in siseh, Mithianghlim pawl si dingih kawh mi an si.

          Mithianghlim pawl puai ni hi kum tinten November 1 ni ah an mah sunloih nak puai tiah Catholic pawl in a tuah sak theu.

          An mah pawl cu hi leitlun an nun lai ah hin an mai duh nak hnak in Pathian duhnak a hawl tu lawngte an si. Vancungram a thleng zo tu Mithianghlim pawl vek in kan nih khal kan thlen vek in kan nih khal kan thlen ve thei nak dingah zuam tlang uh si.