Mithianghlim Perpetua le Felicity Puai ni (March-7)

Mithianghlim Perpetua le Felicity Puai ni (March-7)

          Carthage khuapi ih martyr pawl a si mi Mithianghlim Perpetua le Felicity pawl ih thuanthu in tesinfa Christian pawl ih thinlung a hngin ter thei.

          Carthage khuapi ih upat sunloih tlak zet mi nunau pakhat a si mi Felicity cu nauhak te mi hnen um a si ih cui tikcu caan ah nau a rak von lai.

          Kum 203, Christian pawl a hrem rero mi Septimus Severus san lai ah an mah pahnih cu Sartus Ninus,  Sawgundulus le Ribocartus ti mi Biaknak ih lut dingih tum a tuah rero tu pathum thawn kaih an rak tuar.

          Thawnginn sungah an mai huam nak thawn a tel tu Pathian thu sim tu Sarturis in an zaten Baptism a rak pek.

          Perpetua in a Fapa cu pathian zum lo tu a Pai hnenah a rak ap. A pa in zaangfah a rak dil rero ko nain a zum nak cu a rak thlahphoih lo.

          Felicity in thawnginn sungah nau a rhing ih cui nau te cu a rualpi Christian pawl in an rak cawm sak. Thuthentu hmai ah an zumnak an rak sim theh hnu ah khur sungih thlak dingah thupek an rak suah.

          An mah cu puai zoh nak sin par (amphitheates) sungah Pathian thangthatnak hla sak nak, pakhat le pakhat remdaih nak hmuh awk nak pawl tuah in an rak lut.

          An mah pawl sungin pathum cu sahrang le savom pawl ih dirh thlek nak an rak tuar.Perpetua le Felicity cu a hee zet mi naa pawl hmai ah an kut kai aw in an rak ding.

          A hee zet mi naa pawl ih kii pawl in an taksa cu voi tampi an khik ih tih a nung zet mi hriamhma pawl an rak ngah. Perpetua cun a mah thah tih in a kut a thia rero mi mi that tu ih naam a kaih nak kut cu a hngawng ah a rak ret sak.

          Mithianghlim Perpetua le Fecility pawl cu fa le thawn rak khua sat u an si ko nain sahrang ih keu nak tuar ngam in Pathian hrangih an nunnak rak pe ngam tu an si vek in kan nih khal kan ziang zong za tanta in Pathian a hril ngam tu kan si thei nak dingah thlaza cam tlang uh si.