Mithianghlim Peter Damian (1007-1072) February-21

Mithianghlim Peter Damian

(1007-1072) February-21

     Ostia khuapi ih Bishop pakhat a si ih Pawlpi ih upat zet mi Mithianghlim Peter Damian cu 1007 ah Italy ram, Ravenna khuapi ah a rak suak. A nauhak te lai ihsin a nu le pa in an rak thih san ruangah a ule pawl sungin sal vekin a zohtu, vok pawl a khaal ter tu a u pakhat thawn an rak um tlang. A u pakhat in a zaangfah tukih tlawnginn ih ca zir dingah a rak kuat. Tlawngtla a si lai ah thluak tha zet mi a rak si ih Professor si na in a thil ti thei nak pawl thawn a khat mi pakhat a rak si.

           Rawl ulhnak a tuah ih sual sirnak, a mai hruk mi hnipuan sungah rang hmul angki (a shirt of hair) hruk nak le sumpai zem nak pawl a rak tuah. Mifarah pawl cu a mah rori in cabuai ah rawl a hun ih a rak kilkhawi. Cui rei lo te ah Peter Damian cu Fonte Avellana ih um mi Benedict Yatih tlawng ah a lut ih tlawng uk tu Yatih ah a rak cang. Thlacamnak, hnatuan harsa zet pawl tuan nak le upat tlak zet mi a thianghlim mi pawl zir nak ah a paih zet ih a dungthluntu pawl cu dai zirziar ih um nak, duhdawtnak le tangdornak pawl a rak zirh.

           1057 ah a bawm nak le a ruah nak a tul zet mi Pope Stephen 9 nak ih thu thlun nak thawn Ostia le Valetri khuapi pawl ah Bishop le Cardinal pakhat ah a rak cang.Kum a rei deuh hnu ah Pope Alexender pahnih nak in a zaangfah dil nak ruangah Yatih nunram in nuntu khuasak thei nak khuan a rak ngah. Mithianghlim Peter Damian in Pawlpi thleng nak ah Biaknak lam ih ei ruk nak pawl a rak dodal. Nikhat ah a mah cu Florence khuapi ih Bishop cu chess a leh ruangah a rak mawh thluk ih sual cawh kuan nak hrangah Saam hla voithum tiang sak dingah le mifarah 12 ih ke kholh sak dingah a rak fial.

           Mithianghlim Peter Damian in Yatih pawl ramdang feh nak khal a dodal ih Yatih pawl ih nunram ah dai zirziar ten um nak nunram cu a thupibik mi a si thu a rak sim. An sual nak a sir aw tu sual nei tu pawl Mithianghlim Peter Damian in tangdor ten an duh a zulh hai a si. A ca sungah hitiin a rak ngan. “Ka duhdawt zet mi pawl, nan thanau hlah uh. Nan hmuhton mi pawl cu “Sal” pakhat ih farah harsatnak pawl si lo in Nu le Pa pawl ih thu zirh nak a ngah mi nauhak te vek ih nan ton nak a si. Pathian in minung pawl cu hi nunram ih sual cawh kuan pek nak cu hmailam nunram ih kumkhua sualcawhkuan nak ihsin humhim dingah a si. 1072 Pheyan cu Faenza khuapi ah a rak thi ih 1828 ah Pawlpi ih upat zet mi ih rak than mi a si.

https://bit.ly/35iT24E

Add new comment

8 + 0 =