Mithianghlim Pontian le Hippolytus (August-13)

Mithianghlim Pontian le Hippolytus (August-13)

          Mithianghlim Pontian cu kumzabi 230 ah Pope a rak cang. Siangpahrang Mercy Minus ih hremnak a thawh hrawngah Sardinia  tikulh ah dawi a rak tuar.

          Cu tawkah zonzaih farah nak pawl cu thinsau ten a rak tuar. Kumzabi 236 ah a hnatuan in a cawl hnu ah a mah cu funghreu thawn a thih hlanlo an rak vuak ih a ruak cu Rome khuapi ih um Mithianghlim Calitus ih leithuai thlaan ah an phum.

          Mithianghlim Hippolytus cu Rome khuapi ih mifim, mithiam zet mi Puithiam pakhat a si. A mah cu Mithianghlim Lawrence thawng sungih a um lai ah rak kilkhawi tu pakhat a si.

          Lawrence in a nunnak a rak thleng ter thei ih Baptism a rak lak. Kum 215 ah Apostolic Tradition ti mi dungthluntu pawl thawn pehzom mi thu pawl a rak ngan. Cui ca uk cu Puithiam a cannak ih hlanlai raithawidan upadi pawl a tel.

          El awk nak pawl ah a tel ih Pope rak dodal tu tiih an ruat hnu ah Hippolyno cu Catholic pawlpi ah a rak lut sal.

          Kum 235 ah Pope Pontian thawn Sardinia ah an rak dawi. Cui hmun ah rang pawl thawn a taksa tlek theh dingah an dirh ter. A ruang cu Rome khuapi Tiburtina ti mi lamzin par ih um mi thlaan pakhat ah an rak phum.

          Mithianghlim Pontian thawn hmin bangawk mi pakhat a um. A mah cu Potu khuapi ih Bishop pakhat a si ih a thuk zet mi khur sung ah an thlak a si.