Mithianghlim Robert Bellarmine (1542-1620)   September-17

Mithianghlim Robert Bellarmine

(1542-1620)   September-17

         Mithianghlim Robert Bellarmine cu kum 1542 ah a pai lungkim nak tel lo in Rome ih um Jesuit tlawng ah a rak lut Siangbawi a can hnu Belgium ram ih Luvin phunsangtlawng ah an rak thlah. Cui phunsangtlawng ah Protestant Professor thawn thu rel khawm nak tuah dingah a si.

         Kumsarih a rei hnu ah a thianhlimnak le a thil ti thei nak ruangah Rome khua ih um  phunsangtlawng pakhat ah Theology zirhtu dingah tuanvo an pek.

 Catholic zumnak humhim ih a mai ca uk pawl sungih el awk nak ti mi cu a dang ca uk pawl hnak in a tha sawn ruangah catbanglo in an suah.

         Cui ca uk cu a thuk zet mi Bible thuhla le pawlpi pupa pawl ih an ngan ih protestant tampi khal in a ca uk cu mi pakhat ih ngan mi ti an zum lo. Cui ca uk cu an khawng bik mi ca uk a si.

         London khua ih um ca zuar tu pakhat in a dang cangan tu pawl ih ca uk hnak in Bishop ih ngan mi ca uk in paisa tampi ka ngah tiah a rak ti. Robert ih ca uk cu hminthang zet mi Pathian thu zir nak ca uk pawl khal ca uk le zohthimtlak Jesuh ti mi ca uk le a dang ca uk  pawl hnak in tong let nak ah an hmang tam sawn. 

         Kum 1598 ah Bellarmine cu a thu hrampi ah an hril hnu ah Council of Trend ih an tarlang mi thurel cat nak pawl cu an rak tuah. A mah cu Vatican ah si nak tum zet nei tu a si ko nain sang le khasuanrang thawn rawl a rak ei. A khaan ih a hman mi puanzar pawl khal mifarah pawl bawm nak ah a pek theh.

         Kumli a rei hnu ah Capua  khuapi ah Bishop a rak ngah. A mah cu biaknak hnatuan ah hmuh ton mi tampi nei tu a si lo nain Bishop a can hnu ih a ngan theu mi ca uk pawl cu tanta in Pathian hnatuan tu mino pakhat vek in zuam zet in thuthangtha a rak sim thok.

         Cui hnu ah Pope Paul a panga nak in Rome ah a ko ih cui khua ah Library hotu lawng si lo in a thupi zet mi thil pawl khal a rak then sak. A mah cu kum 1620 ah a nunnak a cem.

         Mithianghlim Robert bangin Bawipa rinsantu le Pathian thil tinkim ih kan hmuh thei nak dingah thla in cam sak aw tiin thlaza cam tlang uh si.