Mithianghlim Romuald (950-1027) (June-19)

Mithianghlim Romuald
(950-1027) (June-19)
Camaldolese Puithiam tlawng a rak din tu mithianghlim Romauld cu kum 950 ah Italy ram, Ravenna ah hnam sang ih suak mi a si. A mah cu leitlun nuam nak lawng a duh tu pakhat thil tha lo, sal din hmun in a rak thang lian.
Nikhat ah lei ram neih mi thawn pehpar in mi pahnih an that awk ih a pa in an sungkhat pa ih thah nak cu a rak sim. Romuald cu a thin a phang tuk ih Sant’Apollinare Puithiam tlawng ah a rak relh ih sualthlah nak, thlacam nak thawn a rak relh ih cu tin a nun a rak hmang.
A mai zoh thim tlak a si nak cu cawng in a pa cu a mai sual nak hrangah a sual a sir ih a taang lai mi a caan cu စန်ဆဲလ်ဗယ် ih um Puithiam tlawng ah a rak um. Kum thum a rei hnu ah Romuald cu a thu a si lo lo ih an rel ruangah Puithiam tlawng in a rak suak. A mah cu mah te lawng um nak hawl nak, Puithiam tlawng fate pawl a rak din sal ih hmun dang dang ah a feh ih kum 30 rori khual a rak tlawng.
Kum 1012 ah a rak din mi Arezzo kiang ih um Carmaldoli Yatih tlawng ih hmin thang bik mi ah a rak cang. Cu tawk ah Camaldolese tiih mi theih tam mi kaing thar a rak din. Romuald in hnam sang mi nauhak pakhat cu leitlun nuam nak a thlun nak ruangah nasa zet in sual a puh ih a rak kawk.
Nikhat ah cu pa cun Romuald cu ngai mawi lo mi sual nak pakhat thawn sual a rak puh. A Puithiam pawl in cui sual puh nak cu an zum ruangah a mah cu an pawlkom in hnon a rak tuar. Cui thilcang pawl zaten thla ruk tiang dai ten a rak tuar. Asinan, thu hman a suak sal ih a dihhmun ah an ret sal. A mah cu kum 1027 ah Ankona kiangih um Castro Puithiam tlawng ah a nunnak a rak cem.
Mithianghlim Romuald cu sual puh nak le a hman lo mi ah hnon rak tuar. Hman seh la thin tha nau lo in Pathian ah a din hnget nak thawngin a din hmun kel te ah a rak um thei sal nak kan zoh a si le mithianghlim Romuald bangin thu dik le a hman lo mi ih sual puh nak le mawh phurh nak kan ton caan ah hi mithianghlim vek in Pathian ah lungput le thin tha nau lo ten kan um thei nak dingah zaangfah bawm nak dil tlang uh si.

Add new comment

6 + 4 =