Mithianghlim Sergius (1314-1392),

Mithianghlim Sergius

(1314-1392)

          Hi hminthang zet mi Mithianghlim cu kumzabi 14 ih a nun rak khawsaktu a si. A u pa pahnih vek in a thluak a rak tha tuk lo. Asinain, ca siar le cangan a rak zir. Hi a zir nak cun lungawinak a pek, ziangah tile Bible siar duh zet tu a si.

          Bartholomew ih nu le pa cu Bawihrin an si. A nauhak lai ah an sungkua in an ral pawl lak ihsin an rak tlan. Curuangah lo an rak thlo.

 A nu le pa an thih hnu ah Sergius le a u Stephen thawn an mah te lawng um duh  ah hramlak ah an rak feh.

          An hau mi thinkung pawl thawn Biakinn fa te an rak sak. Cui Biakinn cu Thumkom Pathian (the Most Holy Trinity) ti mi hmin an rak pek.

          A u pa Yatih cang dingih Moscow ih a feh hnu ah cun a mah te lawng a um. Yatih pakhat ih nuntuzia vek in a hruk ih Sergius hmin a rak lak. A mah cu a sang ih mi tuak zet a si.

          Curuangah khuasik le hramlak a inn ih thlihuuk khal a rak tuar thei. A mah cu Pathian hnenih thlacam a peih zettu a si ih a thinlung zaten duh tu khal a si.

          A rak sim mi cu meisa le tleu nak cu ka rualpi pawl ti a si ih savom thawn khal rualpi an rak si.

          Cui rei lo te ah a dang tlangval pawl in Mithianghlim Sergius ih a thianghlim nunram theih duh ah an feh. An nih in Yatih hotu dingih an dil nak khal a rak cohlang.

          Puithiam cannak a rak ngah ih a tlawng cu a fimthiam nak thawn a rak uk. Voikhat ah a u pa Stephen le Yatih hrekkhat in a ra kir saltu Sergius hnenah lungkim lo in an rak feh.

          Remdaihnak duh ah Sergius in cu tawk hmun in a rak tlan san. Kumli a rei hnu ah a hlan a um nak ih kir sal dingah an dil.

Puithiam pawl cu a mah an hmuh ruangah an lungawi tuk ih thinlung tak in an rak hmuak.

          Huham nei zet mi hotu pawl in Mithianghlim Sergius hnenih ruah nak tha dil dingah an feh theu. The greatest Russian Diocese hrangih Bishop si dingih an dil ruangaah a hmin a rak thang zet.

          Asinain, cu mi cohlang dingah a rak tangdor zet. Voikhat ah Russian mi pawl dodal tu tih a nung zet mi Tatar pawl do ding cu Moscow ih Siangpahrang Fapa in a rak fiang lo.

          Sergius in, “Tih hlah aw, Sayapa, zumnak thawn raldo dingah feh aw. Pathian cu na hnenah a um,” tiah a rak ti.

Cu le Russian pawl in an rak neh ngaingai. Mithianghlim Sergius cu 1392 ah Pathian ih taang ah hnangam ten a rak cawl.

          Midang pawl in St. Sergius zum ding le duh ding cu zir ding tha a si lo. Zir ding tha cu Pathian a zum nak le mi tinkim a bawm duh nak hi a si.

          Mi pakhat in kan mah thawn an lungkim lo can a si lo le el awk nak a thok caan ah Mithianghlim Sergius par ih thilcang kan mangsal thei. Cun a hnenah remdaihnak ngah dingah in bawm aw tiah zaangfah dil tlang uh si.