Mithianghlim Simon le Mithianghlim Jude (October 28)

Mithianghlim Simon le Mithianghlim Jude

October 28

          Galilee ram Kanan khuapi ih dungthluntu Mithianghlim Simon cu Jew miphun pawl ih daan pawl hrangah a thinlung thakhoh nak ruangah “Simon” in ‘Zealot’ ih hmin pek mi a si.

          Zealot ruah nak a zumtu pawl cu Judea ram ah Rome miphun pawl luh nak hmun lak nak cu dodal dingih din mi Biaknak le ramkhel lam thawn pehpar mi pawlkom a si.

          An mah cu ngunkhuai pek nak an el ih Rome miphun pawl dodal an duh. Simon khal Bawi Jesuh ih a kawh hlan ah cui party sungtel a rak si ding a bang.

          Thiang Thlarau Puai theh ah Mithianghlim Simon cu Persia ram ah Pathian thuthangtha a rak phuang ih cui ram ah Pathian thu ruangah thah a rak tuar a si.

          Ruahsannak neih nawn lo caan ih mi bawm tu Mithianghlim Jude cu Dungthluntu nauta deuh Jeim thawn unau an si. John 14:22-23 sungih kan hmuh vek in a mah cu netabik zaanriah ei nak Puai ah Bawi Jesuh kha “Bawipa, leitlun mi pawl hnenah lang lo in kan hnenah ziang tin so na lang thei” tiih rak sut tu a si.

          Jesuh in “Kei mah I duh tu in ka tong a ngai ding. Ka Pa in cu mi cu a dudawt dingih kan nih khal a hnenah kan um ding,” tiah a rak sim.

          A mah cu Cathianghlim sungah “Mithianghlim Juda” tiih theih mi cakuat pakhat cu leitlun huap thawn pehpar mi Pawlpi ah a rak ngan. Mithianghlim Jude a si lo le Mithianghlim Juda Thaddeus cu Persia ram ah Pathian hrangah thah a rak tuar tu a si.