Mithianghlim Stephen (December 26)

Mithianghlim Stephen

December-26

          A hmaisakbik biaknak lam ih thah a rak tuartu Mithianghlim Stephen cu hlanlai pawlpi sungih hminthang zet mi Deacon pahnih lak ih pakhat a rak si.

Pathian ih thlausuah thawn a famkim mi minung lak ah mangbangza pawl a rak tuah. Fimnak thawn a khat ih tlamtluang zet ih a tong mi cu zohman in an tuar thei lo.

Cu vek a thiltuah theinak pawl ruangah Greek tong a tong tu Judah miphun pawl  in an nasiik ih Stephen ningzah ter duh ah thuthennak zungah an hruai.

 Asinan, Stephen ih hmel cu Vancungmi vek in a tleu ih “Nan mah cu hlanlai pupa pawl vekin  a thianghlim mi thiangthlarau cu nan dodal ring ring. Prophet pawl ih hremnak a rak tuar ngah lo mi nan pupa pawl an um maw” tiah a rak ti.

      Cui tong a theitu thuthentu pawl cu an thin a heng ih  Stephen par ah an lungkim lo tukih hacang rial in an um.

Asinan, thlarauthianghlim thawn a khat mi Stephen cun Vancungram zoh in “Zoh uh, Vancung saangkaa ong lo in milai cu Pathian ih vorhlam ah a to khi ka hmu” tiah a hmuh mi langnak cu a sim.

Stephen ih a hmuh mi langnak an hmuhve lo tik ah an thinheng tukih Stephen cu khualeng ah an hruaiih lungto thaw an den.

Stephen cun Pathian hnenah “Jesuh……an sualnak hi ciing ring ring hram hlah aw” tiah napi  in a au. Cutiih a au theh vete in a hnuk a cat. Hi catlang cu Dtt 7:59 sungahkanhmuthei a si.