Mithianghlim Stephen thuanthu (December 26)

Mithianghlim Stephen (December-26)

    A hmaisakbik zum nak hrangih thah nak ( Martyr) a rak tuar tu mithianghlim Stephen cu hlan lai Pawlpi sungih hminthang zet mi Deacon pahnih lak ih pakhat a rak si. Pathian ih thlausuah thawn minung tam pi lak ah mangbangza pawl a rak tuah. Ruah nak tha thawn a famkim ih tlamtluang zet ih a tong mi cu zohman in an tuar thei lo. Cu vek a thil tuah thei nak pawl ruangah Greek tong a tong tu Judah miphun pawl in anhnahsik ih Stephen ning zah ter duh ahthu then nak zungah an hruai.  Asinan, Stephen ih hmel cu Vancungmi vek in a tleu ih “Nan mah cu hlanlai nan Pupa pawl vek in a thianghlim mi thiang thlarau cu nan dodal ring ring. Prophet pawl ih hrem nak a rak tuar ngah lo mi nan Pupa pawl an um maw” tiah a rak ti.

      Cui tong a thei tu thuthen tu pawl cu an thin a hengih Stephen par ah an lungkim lo tuk ih hacang  rial in an um. Asinan, thlarau thianghlim thawn a khat mi Stephen cun Vancung zoh in “Zoh uh, Vancung saangkaa a ong ih milai cu Pathian ih vorhlam ah a to khi ka hmu” tiah a hmuh mi lang nak cu a sim. Stephen ih a hmuh mi lang nak an hmuh ve lo tik ah an thinheng tuk ih Stephen cu khua leng ah an hruai ih lungto thawn an den. Stephen cun Pathian hnenah “Jesuh……an sual nak hi ciing ring ring hram hlah aw” tiah napiin a au. Cutiih a au theh vete in a hnuk a cat. Hi catlang cu Tirhthlah 7:59 sungah kan hmu thei a si.

          Mithianghlim Stephen cu a hmaisa bik Martyr tuar tu a rak si vekin kan ni khal Bawipa thu ruangah harsat nak mualpho nak kan ton canah thazaang in pe aw tin zangfah bom nak dil tlang uh si.

Add new comment

3 + 2 =