Mithianghlim Timothy le Titus

Mithianghlim Timothy le Titus (January-26)

          Mithianghlim Paul ih Pathian hna a tuan pi mi Mithianghlim Timothy cu Lecaonia ih um Lisargar khuapi ah Pathian zum lo tu a Pa le Jew miphun a Nu hnenin a rak suak. Tleirawl lai, mino nunram ah Bible Cathianghlim a rak zir ih Mithianghlim Paul in a mah cu Baptism pek nak le vun zim tan nak a rak pek ih Mithianghlim Paul hnenin tangdor nunnem nak le unau vek duhdawtnak pawl thawn a khat mi ca pahnih a si mi Macedonia le Rome khuapi ih ngan mi ca pawl a rak ngah.

          Timothy ih zuam nak pawl cu harhdamnak a siatsuah thei ruangah Mithianghlim Paul in tidai in lawng si lo in wine malte in dingah lam a rak hmuh. Netabik ah Timothy cu Ephesus khuapi ih Bishop ah tuanvo an pek ih a ngah mi a nunram zaten cui khuapi ah a rak um.

          AD 97 ah ram uk tu Siangpahrang Napha ih ram a uk caan ah zuk tuh a biak tu Pathian zum lo tu pawl in an mai raithawinak pawl dodalnak ruangah a mah cu lungto le funghreu pawl thawn an rak thawi that. Mithianghlim Paul ih an mah lam minung a si mi Mithianghlim Titus cu Christian Biaknak ah Mithianghlim Paul a mah ruangih a thleng tu a si. Mithianghlim Paul ih a duhdawt bik mi a dungthluntu pakhat a si ih Mithianghlim Paul thawn Pathian hna a tuan nak pawl ah a rak tel lawng si lo in Jerusalem ah AB 49 ih tuah mi Moses ih upadi daan pawl thawn pehpar mi thusuhnak pawl par ah el awk mi thu rel khawm nak khal ah a rak tel.

          Pathian zum lo tu sungkua in a suak ih Jew pawl ih biaknak thawn a pehtlaih lo ruangah Titus cu vunzim tan dingah Mithianghlim Paul in a rak on lo. Mithianghlim Paul in Mithianghlim Titus cu Greece khuapi ih bishop ah hriak a culh ih hlei ah a hnenah Bishop pawl hrangah daan hrampi a tel mi ca khal a rak ngan. A mah cu cui khuapi ah AD 96 ah a rak thi tiah Pawlpi ih hlan thuanthu ih an sim nak in kan thei.

         

Add new comment

10 + 1 =