Mithianghlim Vincent de Paul (1581-1660), September 27

Mithianghlim Vincent de Paul (1581-1660)

September-27

          Duhdawtnak tlawng pawl rak bawmtu Mithianghlim Vincent de Paul cu kum 1581, France ram Povy khua ih um mifarah sungkua in a suak. Sibawi tindan a theh hnu a kum 20 ah Siangbawi cannak a rak ngah.

          A thok nak lam ah cu sungkua ih puithiam pakhat in a nunnak cu remdaihnak thawn a rak hmang. Cui hnu kum 1617 ah a dam lo mi lothlotu pakhat ih sualthlahnak a ngai thluh hnu ah France ram ih um lothlotu pawl ih a besia zet mi thlarau lam dinhmun dik a rak thei.

          Cu tin mifarah pawl kilkhawi dingah le puithiam pawlkom hrangah a nunnak a ap a si. Cui kum ah Paris khua in a tlan ih a hla zet mi khua fa te ih Siangbawi ah a rak cang.

Kum 1626 ah Vincent cu Pathian hnatuantu pawlkom a rak din ih cui pawlkom cu Pathian hnatuantu ding pawl zirh dingah le Pathian hnatuan dingah a nunnak ap ding hrangah a si.

          A mah cu Pathian hnatuantu pawl ih um nak kiang ih um mifarah pawl ih thlarau lam le minung lam ih tul sam mi pawl zoh nak ding hrangah “Duhdawtnak” tlawng tla a rak din.

          A mah in, “Kan hnatuancu midang pawl ai in mifarah pawl hrangih tuan ding le thlacam lai ah mifarah pakhat cu sivai lam thawn peh par mi bawm nak a si lo le a dang bawm nak pakhat khat a tul a si le a dang hnatuan vek thotho in thinlung hnangam zet in tuah dingah, thlacam nak tuah vek in mai hnatuan pawl kha Pathian hnen ap ding tiin a rak ti.

          Mithianghlim Vincent cu Pathian ih zaangfah duhdawtnak hnak in Pathian ih hrem nak hi tih a tul tiah mipi pawl harsat nak a pek tu Jansenis kha a rak sim fiang.

A mah cu kum 1660 ah Paris ah a nunnak a rak cem. Mithianghlim Vincent de Paul puai kan hman nak in a mah bangin farah zonzai pawl bawmtu le midang parah zaangfah nak thinlung kan neih thei cio nak dingah zaangfah bomnak dil tlang uh si.