Noble Prize a ngah mi Siangbawi US ah a thi. September 11, 2020

Noble Prize a ngah mi Siangbawi US ah a thi. September 11, 2020

            Father Richard William Timm, CSC cu Indiana khua Notre Dme ah a thi. Amah cu kum 97 a si. A mah cu Bangladesh ah a um ih raan thuhla ah a thiam zet ih khukrul phun 250 thu tla thei. A mah cu thu zirh tu tla a siih hnatuan tu le ca ngantu le Bangladesh pawl ih rualpi pakhat a rak si. Siangbawipa cu Asia ramih Noble Prize pek mi Ramon Magsaysay Laksawng tla cu 1987 ah a rak ngah a si. A  mah ih hnatuan nak zoh in ramthum in ram mi si nak an pek. Kum 1952 Bangladesh a thlenah Pathian thu lam zirhnak le minung thu lam zirhnak lam ih zirh nak tlawng (Dhaka khua ih um mi St. Gregory College) ah a tha zet le thuhla kim ten zingzoi sal tu pawl thawn an tong aw.

            Kum 1970 Cyclone thlipi a hran harsatnak an ton caan ah Fr. Timm in Phone thawn bawmtu pawl an thlen thei nak dingin a bawm. Bangladesh ram hrangah 35 tiang zuam zetin a tuannak ruangah RMA laksawng an pek. A mah cu Michigan khuapi, Indiana ah March 2, 1923 ah a rak suak. Fr. Timm ih kawhnak a ngah mi cu Parish ih fial cop mi si lo in a mah duh nak in a cang mi a si. Kum June 08, 1949 ah Siangbawi cannak a rak ngah. Washington ah Doctor buaih a ngah hnu  1952, November ah Dhaka ah a feh ih Notre Dame College ah a thleng. Sciene lam thawn pehpar aw mi tlenkhat ah a tuan ih a si maw si lo tiih thu elawknak hmunah tlawngta pawl a rak bawm. Cutin a bawm ruangah a cuangce in tuanman laksawng a rak ngah.

            Thansonak a phunphun ah a zuam zet ruangah Bangladesh ram hrangah NGO pawl ih Pa tin an ko. Remdaihnak le thudik thuhman commision ah 23 sung a rak tuan. Asia thlanglam le Bengladesh hrangah (Human right) milai ih co thei ding mi si nak ah tuanvo a lak.

 https://bit.ly/3mfHHWZ